Përplasjet te Lëvizja Besa , gjegjësisht ndarja e tyre në dy grupe , në atë të Shkupit dhe Tetovës ka krijuar mjegulli te aktivistët e kësaj lëvizje.
Portali jonë derveni.info ju sjell foto nga të dyjat grupet apo fraksionet në Saraj , ku sipas fotografive rezulton se grupi i udhëhequr nga Bilall Kasami ka përkrahje të pakontestueshme në Derven .
Në njoftimet e tyre në facebook , Krahu i Shkupit pos fotografisë së mledhjes kanë shkruar se Ideja Vazhdon , duke mos njoftuar për zgjedhje apo jo të Kryetarit të Degës apo strukturave tjera lokale. Ndryshe nga ata grupi i Tetovës të udhëhequr nga kreu i kësaj partie Bilall Kasami njoftuan se për Kryetar Dege në Saraj e zgjodhi Shabi Jakupin, njofton derveni.info.
”Pas thuajse një muaj aktivitet në ngritjen e strukturave që nga niveli i nëndegëve, vlen të theksojm edhe punën e palodhshme të kryetarit të komisionit të komunës së Sarajit, pra arhitektit dhe njëkohësisht edhe afarist i suksesshëm z. Shabi Jakupit, i cili së bashku me anëtarët e tjerë të komisionit për organizimin dhe ngritjen e strukturave për kongresin e 24 Shkurtit, me datë 16 Shkurt rrumbullaksuan edhe procesin e formimit të degës së Lëvizjes Besa – Saraj, me çrast për kryetar dege unanimisht iu dha besimi magjistrit të shkencave ekonomike Sani Saidit, njëherit edhe një nga themeluesit e Lëvizjes BESA në Saraj që nga themelimi i saj, nënkryetar magjistri i shkencave ekonomike Agron Selami, Minire Sulejmani dhe Shabi Jakupi, si dhe sekretar Jasir Xhika” thuhet në njoftimin e tyre në facebook.
Mbetet të shifet se cili nga grupet rivale do ti fitoj vulat e partisë dhe zyrtarisht të regjistrohet si Lëvizja Besa./derveni.info
