More

    Kurti i troket në derë Edi Ramës, i kërkon ndihmë që Parisi, Berlini e Roma t’i heqin kushtëzimet për KiE

    Këshilltari i Kryeministrit Kurti Jeton Zulfaj në një intervistë për Euronews thotë se është interes i Kosovës dhe Shqipërisë që të afirmohet shtetësia e Kosovës dhe se ngërçi në raportet mes Kryeministrave Kurti e Rama s’mund të pengojë kur është në pyetje afirmimi i shtetësisë, sovranitetit të republikës së Kosovës.


    Këshilltari politik i Kryeministrit, Jeton Zulfaj ka folur sot rreth kërkesës për anëtarësimin e Kosovës në Këshillin e Evropës.

    Ai në Euronews Albania, ka thënë se kjo kërkesë që u tentua disa herë që tashmë vjen e artikuluar nga disa shtete ndaras, të futej me amendamente dhe tri herë u refuzua.

    “Shpresojmë që ky do të jetë një reflektim edhe nga shtetet aleate e mike të Republikës së Kosovës që të mos humbet ky shans që Kosova me meritokraci të bëhet pjesë e një organizate të tillë”, ka thënë Zulfaj.

    Zulfaj thotë se për anëtarësim, Kosova po e bën përpjekjen e saj, por thotë që edhe Shqipëria do të duhej ta luante rolin e saj.

    Sipas tij, shteti shqiptar dhe kryeministri Edi Rama duhet të bëjnë përpjekje që të arrihet ky pajtim dhe të tejkalohet ky keqkuptim në kërkesat e vazhdueshme që po i bëhen Kosovës për këtë anëtarësim.

    “Ne presim nga Shqipëria që ajo të luaj rol aktiv në këtë çështje, sepse kështu edhe duhet te jetë në çështjet që kanë të bëjnë me afirmimin e shtetësisë së Kosovës. Ne nuk presim që të kërkojmë nga Shqipëria që të punojë në interesat tona, por këtë ta bëjnë në mënyrë aktive dhe proaktive”, ka thënë këshilltari politik i Kurtit.

    Ai shpreson që për këtë nuk do të ndikojë marrëdhënia midis Kurtit dhe kryeministrit shqiptar Edi Rama.

    “Interesi i të dy vendeve është që të afirmohet shtetësia e Kosovës, prandaj mendoj se asnjë ngërç politik nuk të pengojë në këtë drejtim kur është në pyetje avancimi i shtetit tonë…sidomos në këtë pikë kryqe ku anëtarësimi në KiE është jashtëzakonisht domethënës. Shqipëria mund te ketë rol dhe ndikim tek disa vende”, tha ai, duke shpresuar që kjo javë do të shfrytëzohet në maksimum për të pasur këtë ndikim tek shtetet të cilat janë skeptike rreth Kosovës në KiE”.

    - Marketing -Ajsel Medica

    TË NGJAJSHMEARTIKUJ
    Rekomanduar për ju

    spot_img

    Të fundit

    Pamje shqetësuese: Momenti me VIDEO kur i dyshuari plagosi me armë zjarri tre personat në Pejë

    Tre persona kanë mbetur të plagosur pas një përleshjeje në Pejë. Lajmin për gazetën online Reporteri.net e ka konfirmuar edhe...

    Fitore e Frontit Europian në zonën 5, konfirmohet deputeti nr.

    Pas rivotimit të ditës së sotme në Njesinë Zgjedhore 5 dhe 6 Fronti Europian mesa duket ka ruajtur mandatin...

    Dimitar Kovaçevski jep dorëheqje nga funksioni kryetar i LSDM-së

    Dimitar Kovaçevski zyrtarisht konfirmoi dorëheqjen nga pozita e kryetarit të LSDM-së, të cilën e shpalli më 8 maj, si...

    KSHZ: 45.88% është dalja deri në orën 17:00 në vendvotimet ku ka rivotim

    Deri në orën 17:00, nga gjithsej 4.514 votues të regjistruar në shtatë vendvotime, kanë votuar 2.071 ose 45,88 për...