More

    Interi fiton derbin ndaj Milanit dhe shpallet matematikisht kampion i Serie A

    Inter ka shënuar fitore me rezultat 2-1 në ‘San Siro’ ndaj Milanit, në atë që njihet ndryshe si Derby della Madonnina duke siguruar kështu matematikisht titullin e 20-të të Serie A.

    Golin e epërsisë për ‘Nerazzurrët’ e shënoi në minutën e 19-të Francesco Acerbi, i cili pas ekzekutimit të rivënies këndore shënoi me kokë për 1-0 në cepin e djathtë të Mike Maignan.

    Milani nuk tregoi shumë në këtë pjesë të parë, përveç një rasti të Rafael Leaos në minutën e 29-të por gjuajtja e tij ishte shumë e lehtë për t’u ndalur nga Yann Sommer.

    Interi pati edhe një mundësi të mirë shënimi në minutën e 38-të, por goditja e Marcus Thuram u ndal nga shtylla.

    ‘Nerazzurrët’ nuk u ndalën së tentuari për të gjetur golin e dytë, dhe iu afruan atij përsëri në minutën e 40-të kësaj radhe me Henrikh Mkhitaryan, por Maignan reagoi siç duhet për t’ia mohuar golin.

    Në pjesën e dytë pati më shumë raste dhe të dyja ekipet arritën që deri në fishkëllimën e fundit të gjyqtarit të shënojnë nga një gol.

    Për të dyfishuar epërsinë e ‘Nerazzurrëve’ u përkujdes Marcus Thuram i cili shënoi një gol të bukur për 2-0 në minutën e 49-të.

    Krejt çka ‘Rossonerët’ arritën të bëjnë në këtë takim ishte një gol i shënuar me kokë nga Fikayo Tomori për të ngushtuar rezultatin në 2-1.

    Deri në përfundim të kampionatit kanë mbetur edhe pesë ndeshje, mirëpo Interi tani do t’i luajë ato vetëm sa për statistika./Telegrafi/

    - Marketing -Ajsel Medica

    TË NGJAJSHMEARTIKUJ
    Rekomanduar për ju

    spot_img

    Të fundit

    Pamje shqetësuese: Momenti me VIDEO kur i dyshuari plagosi me armë zjarri tre personat në Pejë

    Tre persona kanë mbetur të plagosur pas një përleshjeje në Pejë. Lajmin për gazetën online Reporteri.net e ka konfirmuar edhe...

    Fitore e Frontit Europian në zonën 5, konfirmohet deputeti nr.

    Pas rivotimit të ditës së sotme në Njesinë Zgjedhore 5 dhe 6 Fronti Europian mesa duket ka ruajtur mandatin...

    Dimitar Kovaçevski jep dorëheqje nga funksioni kryetar i LSDM-së

    Dimitar Kovaçevski zyrtarisht konfirmoi dorëheqjen nga pozita e kryetarit të LSDM-së, të cilën e shpalli më 8 maj, si...

    KSHZ: 45.88% është dalja deri në orën 17:00 në vendvotimet ku ka rivotim

    Deri në orën 17:00, nga gjithsej 4.514 votues të regjistruar në shtatë vendvotime, kanë votuar 2.071 ose 45,88 për...