HOXHA: RREGULLIMI I SHTRATIT TË LUMIT TË THATË PO AVANCON ME DINAMIKË TË PËRSHPEJTUAR, PO ZGJIDHIM NJË PROBLEM SHUMËVJEÇAR TË SARAJIT

 

Shkup, 16.10.2026 Ministri i Mjedisit Jetësor dhe Planifikimit Hapësinor, Muamet Hoxha, sot inspektoi punimet për rregullimin e shtratit të Lumit të Thatë në Komunën e Sarajit. Projekti përfshin rregullimin e rreth 12 kilometrave të shtratit të lumit, nga rruga për në Bojanë, përmes Gllumovës, deri te derdhja në lumin Treska.

Në më pak se tre muaj nga fillimi i punimeve, është realizuar 20% e projektit, për të cilin Ministria ka siguruar mbi 379 milionë denarë. Me realizimin e projektit do të zvogëlohet rreziku nga përmbytjet, do të mbrohen shtëpitë, pronat dhe tokat bujqësore, si dhe do të kontribuohet në krijimin e një mjedisi jetësor më të pastër dhe më të sigurt për banorët e kësaj zone.

„Ky projekt është i rëndësishëm sepse u përgjigjet nevojave shumëvjeçare të qytetarëve. Fakti që në më pak se tre muaj është realizuar 20% e projektit tregon se punimet po përparojnë. Sot jemi në terren për të ndjekur realizimin dhe për t’u siguruar se aktivitetet po zhvillohen sipas planifikimit. Përgjegjësia jonë nuk përfundon me sigurimin e mjeteve financiare dhe fillimin e punimeve. Ajo nënkupton ndjekjen e përgjegjshme të çdo faze, deri në përfundimin e projektit“, theksoi ministri Hoxha.

Ai theksoi se bashkëpunimi ndërmjet pushtetit qendror dhe atij lokal është i rëndësishëm për realizimin në kohë të projekteve infrastrukturore që ndikojnë drejtpërdrejt në cilësinë e jetës së qytetarëve.

Rregullimi i shtratit të Lumit të Thatë është pjesë e investimeve më të gjera në mjedisin jetësor dhe infrastrukturën komunale, të cilat përbëjnë themelet e kthesës së gjelbër dhe krijojnë kushte për vendbanime më të mbrojtura dhe zhvillim të qëndrueshëm të komunave.

Më të lexuara

Çmimet e reja të derivateve të naftës nga mesnata

Komisioni Rregullator për Energjetikë (KRE) në Maqedoninë e Veriut...

Lirohen çmimet e derivateve të naftës

Çmimet me pakicë të derivateve të naftës në Maqedoninë...

Kondova paguan, por mbetet në terr! Banorët kërkojnë llogari nga Komuna e Gjorçe Petrovit.

Kondova paguan, por mbetet në terr! Banorët kërkojnë llogari...

Pas akuzave nga BDI, flet Arben Taravari: Nuk kam pasur informacion!

Ish-ministri i Shëndetësisë, Arben Taravari, ka reaguar pas akuzave...

Grëçeçi mbetet pa energji elektrike, banorët kërkojnë llogari nga EVN

Banorët e fshatit Gërçeç të komunës së Sarajit po...

Përleshje e përgjakshme në një kazino në Tetovë, 2 persona përfundojnë spital

Një përleshje fizike në një kazino në Tetovë ka...

Artikuj të ngjashëm