Gjykata Supreme në Spanjë ka konfirmuar dënimin me 21 muaj burgim për Lionel Messin, ndërkohë që babai i tij është dënuar me 15 muaj. Më 7 korrik 2016, Gjykata në Barcelonë dënoi yllin argjentinas dhe babain e tij, Jorge Horacio, me 21 muaj burgim për tri vepra fiskale. Messi është shpallur fajtor për mashtrimin prej 4.1 milionë eurosh, në vitet 2007, 2008 dhe 2009. Organet hetimore njoftojnë se Messi nuk ka paguar 10.1 milionë euro nga të drejtat e reklamimit. Mirëpo meqë vendimi është më pak se dy vite, Lionel Mesi nuk do të shkojë pas grilave, pasi është një dënim që mund ta shlyejë dhe financiarisht.
