Garat Ndërkombëtare Kuranore bashkojnë hafëzë dhe lexues të Kur’anit në Shkup

Garat Ndërkombëtare Kuranore po vazhdojnë me sukses në Shkup, duke mbledhur hafëzë, lexues të Kur’anit Famëlartë dhe pjesëmarrës nga vende të ndryshme, në një atmosferë të mbushur me përkushtim, respekt dhe dashuri ndaj Librit të Allahut, raporton Gjurme.info.

 

Edhe dita e dytë e garave u karakterizua nga paraqitje të nivelit të lartë të garuesve, të cilët dëshmuan përkushtimin dhe përgatitjen e tyre në leximin dhe memorizimin e Kur’anit Famëlartë.

 

Manifestimi u ndoq nga përfaqësues të Bashkësisë Fetare Islame, mysafirë të ftuar dhe besimtarë të shumtë.

 

Ky aktivitet paraqet një mundësi të rëndësishme për promovimin e kulturës kuranore, forcimin e lidhjes së të rinjve me Kur’anin dhe nxitjen e vlerave shpirtërore e morale që buronin nga mësimet islame.

 

Bashkësia Fetare Islame shpreh mirënjohje për të gjithë organizatorët, jurinë, pjesëmarrësit dhe mysafirët që kanë kontribuar në mbarëvajtjen e këtij manifestimi, duke uruar suksese për të gjithë garuesit dhe që këto gara të vazhdojnë të jenë një urë bashkimi, frymëzimi dhe përkushtimi ndaj Kur’anit Famëlartë.

 

Ndryshe, Reisul Ulema i Bashkësisë Fetare Islame në Republikën e Maqedonisë së Veriut, H. Hfz. Shaqir ef. Fetai, mori pjesë edhe në ditën e dytë të Garave Kuranore që po zhvillohen në Shkup, duke dëshmuar mbështetjen e tij të vazhdueshme për aktivitetet që promovojnë mësimin dhe leximin e Kur’anit Famëlartë.

 

Reisul Ulema shoqërohej nga drejtorë të Rijasetit, si dhe nga atasheu për çështje fetare pranë Ambasadës së Mbretërisë së Arabisë Saudite në Sarajevë, Abdulatif bin Nasir El Husejn. Gjatë vizitës, ai ndoqi nga afër rrjedhën e garave dhe u takua me pjesëmarrësit, organizatorët dhe mysafirët e pranishëm.

 

Ai gjithashtu vlerësoi lart angazhimin e organizatorëve për realizimin e këtij aktiviteti, duke theksuar se organizime të këtilla forcojnë kulturën kuranore, nxisin konkurrencën pozitive në mësimin e Kur’anit dhe kontribuojnë në ruajtjen e identitetit fetar e moral të shoqërisë./gjurme.info/

Më të lexuara

Lirohen çmimet e derivateve të naftës

Çmimet me pakicë të derivateve të naftës në Maqedoninë...

Çmimet e reja të derivateve të naftës nga mesnata

Komisioni Rregullator për Energjetikë (KRE) në Maqedoninë e Veriut...

Pritet vala e shkarkimeve të drejtorëve?!

Vala e ndryshimeve pas rikonstruimit qeveritar dhe plotësimit të...

Pas akuzave nga BDI, flet Arben Taravari: Nuk kam pasur informacion!

Ish-ministri i Shëndetësisë, Arben Taravari, ka reaguar pas akuzave...

Kondova paguan, por mbetet në terr! Banorët kërkojnë llogari nga Komuna e Gjorçe Petrovit.

Kondova paguan, por mbetet në terr! Banorët kërkojnë llogari...

Sot shpallet aktgjykimi ndaj Hashim Thaçit dhe katër të tjerëve në Hagë

Dhomat e Specializuara të Kosovës në Hagë pritet që...

Ramizi nga Haraçina dhuron truallin në Gjermani për xhaminë (Video)

Ramiz Tahiri nga fshati Haraçinë i Shkupit ka dhënë...

Artikuj të ngjashëm