​”Fluturonte” me 178 km/h në rrugën Gostivar-Tetovë: Policia i sekuestron Mercedesin 44-vjeçarit

Dje (19.04.2026) në orën 18:50, në aksin rrugor Gostivar – Tetovë, zyrtarët policorë nga Njësia Mobile për Siguri në Komunikacionin Rrugor kanë ndaluar një automjet pasagjerësh të llojit “Mercedes” me targa të Gostivarit.

 

​Përmes automjetit special matës (presretuç) të Ministrisë së Punëve të Brendshme, është regjistruar se automjeti lëvizte me një shpejtësi prej 178 kilometrash në orë jashtë vendbanimit, ku shpejtësia maksimale e lejuar është 80 kilometra në orë.

​Automjeti është sekuestruar menjëherë, ndërsa shoferi me iniciale K.I. (44 vjeç) nga Gostivari do të përballet me sanksionet e parashikuara ligjore, sipas dispozitave të neneve 297-a dhe 300-b të Kodit Penal.

​Ministria e Brendshme njofton se kontrollet e trafikut me automjete speciale “presretuç” do të vazhdojnë edhe në periudhën e ardhshme në të gjithë territorin e shtetit, me qëllim sanksionimin e shkelësve, rritjen e sigurisë dhe mbrojtjen e pjesëmarrësve në komunikacion.

 

​Drejtimi i mjetit me shpejtësi mbi normat e lejuara është një nga shkaqet kryesore të aksidenteve rrugore, të cilat shpesh rezultojnë me pasoja të rënda për shëndetin dhe jetën e qytetarëve. Apelojmë te të gjithë pjesëmarrësit në komunikacion që të respektojnë rregullat dhe rregulloret e trafikut, në mënyrë që të kontribuojmë bashkërisht për rrugë më të sigurta.

Më të lexuara

Lirohen çmimet e derivateve të naftës

Çmimet me pakicë të derivateve të naftës në Maqedoninë...

Çmimet e reja të derivateve të naftës nga mesnata

Komisioni Rregullator për Energjetikë (KRE) në Maqedoninë e Veriut...

Pritet vala e shkarkimeve të drejtorëve?!

Vala e ndryshimeve pas rikonstruimit qeveritar dhe plotësimit të...

Xhaferi për vizitë në Komunën e Manastirit

Kryeministri Talat Xhaferi sot do ta vizitojë Komunën e...

Grubi: 3 milionë euro për ndërtimin e rrugës “Hasan Prishtina” në Vizbeg

Shkup, 6 prill- Qeveria tashmë i ka ndarë 3...

LIGJI I RI PËR MARRËDHËNIE PUNE: Trajtim të barabartë të punëtorëve

Qëllimi është të krijojmë një zgjidhje ligjore që do...

Në tri minuta, Xiaomi bën “kërdinë” me shitjen e makinave elektrike!

Xiaomi ka arritur rekord me shitjen e më shumë...

Artikuj të ngjashëm