Kryeministri i Shqipërisë Edi Rama flet në sesionin e 79-të të Asamblesë së Përgjithshme të Kombeve të Bashkuara, të premten, 27 shtator 2024. Foto: AP
Kryeministri i Shqipërisë, Edi Rama, të premten ka mbajtur një fjalim në sesionin e 79-të të Asamblesë së Përgjithshme të Kombeve të Bashkuara në New York.
Veç çështjeve që prekin vendin e tij, Rama ka ndarë disa sekonda të fjalimit të tij që ta adresojë edhe çështjen e Kosovës.
Këtë pjesë të fjalimit, kryeministri shqiptar e ka shpërndarë në Facebook me mbishkrimin: “Ja si flet një tradhtar i vërtetë i Kosovës, i cili me këtë rast iu dërgon të fala vëllazërore krejt atyre që prej Kosove, e shajnë me nanë e me babë si ‘vëllaun e Vuqiqit’”, raporton Klankosova.tv.
