Në konferencën e ekonomike me temë “ Ekonomia shpëtonë Luginën”, që u organizua nga Unioni i Afaristëve Vizioni Pmb, mori pjesë drejtori i përgjithshëm i kompanisë “Dauti-Komerc”, z.Xhemail Dauti, drejtori i “Dauti-Komerc”-Shkup, z.Hamim Dauti dhe drejtori i “Dauti-TransportSheped”, Daim Ramdani. Në këtë konferencë ishin pjesëmarrës afaristë nga të gjithë trojet shqiptare në rajonin e Ballkanit Perëndimorë, diaspora, përfaqësues politik, Oda Ekonomike rajonale dhe nga sektori qytetarë.
Në këtë konferencë u kërkua nga të gjithë afaristët shqiptarë fuqizimi ekonomik i Luginës, ku u kërkua nga të gjithë afaristët rajonal investime direkte dhe indirekte në hapjen e perspektiva zhvillimore për këtë rajon të margjinalizuar në aspektin ekonomik.
Komuniteti i biznesit nga Lugina, konkretisht prodhuesit, kërkuan rritjen e partneritet me afaristët nga Shqipëria, Kosova, Maqedonia e Veriut dhe Diaspora, që të promovohen produktet e tyre në tregjet rajonale dhe ndërkombëtare.
“Dauti-Komerc”, shprehi gatishmërinë për distribuimin e produkteve të prodhuesve nga Presheva, Medvegja dhe Bujanoci në tregjet rajonale dhe ndërkombëtare.
Ata konstatuan bashkërisht se konferenca ishte e frytshme dhe do të japë rezultate konkrete në të ardhmen e shkurt në intensifikimin e bashkëpunimit ekonomik.
