Digjen makineritë në stadiumin e Shkëndijës, reagon Daut Beqiri: Nuk na ndal askush!

Kryetari i Komunës së Haraçinës, Daut Beqiri, ka reaguar pas djegies së makinerive që po punonin në ndërtimin e stadiumit të Shkëndijës, duke e cilësuar incidentin si goditje ndaj një projekti që i shërben sportit, rinisë dhe zhvillimit të komunës, raporton ZYRTARE.net

Përmes një postimi në rrjetet sociale, Beqiri ka kërkuar zbardhjen sa më të shpejtë të rastit dhe vënien para drejtësisë të përgjegjësve, ndërsa ka theksuar se punimet për stadiumin do të vazhdojnë.

Ai ka bërë të ditur se projekti do të përfundojë, pavarësisht incidentit, duke rikujtuar se Haraçina ka pritur 50 vite për realizimin e tij.

“Por një gjë duhet të jetë e qartë: Nuk na ndal askush. Punimet do të vazhdojnë. Projekti do të përfundojë. Stadiumi i Shkëndijës do të ndërtohet”, ka shkruar Beqiri.

Kreu i Haraçinës ka deklaruar gjithashtu se nuk do të tërhiqet përballë presioneve, kërcënimeve apo pengesave dhe se do ta çojë projektin deri në fund, me synimin që fëmijët e komunës të kenë stadiumin e tyre.

“Sot mund të digjen makineri, por nuk digjet vullneti për të ndërtuar. Stadiumi do të ndërtohet. Shkëndija do ta ketë shtëpinë e saj”, ka theksuar Beqiri.

Ai ka përfunduar reagimin me mesazhin se ndërtimi i stadiumit të Shkëndijës do të vazhdojë dhe se incidenti nuk do ta ndalë realizimin e projektit.

Më të lexuara

Çmimet e reja të derivateve të naftës nga mesnata

Komisioni Rregullator për Energjetikë (KRE) në Maqedoninë e Veriut...

Lirohen çmimet e derivateve të naftës

Çmimet me pakicë të derivateve të naftës në Maqedoninë...

Kondova paguan, por mbetet në terr! Banorët kërkojnë llogari nga Komuna e Gjorçe Petrovit.

Kondova paguan, por mbetet në terr! Banorët kërkojnë llogari...

Pas akuzave nga BDI, flet Arben Taravari: Nuk kam pasur informacion!

Ish-ministri i Shëndetësisë, Arben Taravari, ka reaguar pas akuzave...

Grëçeçi mbetet pa energji elektrike, banorët kërkojnë llogari nga EVN

Banorët e fshatit Gërçeç të komunës së Sarajit po...

Përleshje e përgjakshme në një kazino në Tetovë, 2 persona përfundojnë spital

Një përleshje fizike në një kazino në Tetovë ka...

Artikuj të ngjashëm