Bexheti reagon: Absurde të quhet “skandal” kompania ligjore e fëmijëve të mi madhorë

Deputeti i BDI-së Blerim Bexheti ka reaguar ndaj, siç i quan ai, sulmeve mediatike dhe politike lidhur me themelimin e një kompanie nga fëmijët e tij madhorë, duke i cilësuar këto pretendime si të pavërteta dhe senzacionaliste, transmeton Zyrtare.net

 

Bexheti thekson se kompania në fjalë është hapur në mënyrë tërësisht ligjore dhe transparente përmes Regjistrit Qendror, duke shtuar se ajo nuk ka fituar asnjë tender, nuk ka lidhur asnjë kontratë dhe nuk ka nisur asnjë aktivitet biznesi. Sipas tij, krijimi i një “historie dramatike” rreth kësaj kompanie është tentativë për shtrembërim të realitetit dhe njollosje të tij dhe familjes së tij.

 

“Po tentohet të paraqitet si skandal fakti që të rinjtë përpiqen të bëhen sipërmarrës, në vend që të punësohen në institucione publike përmes partive,” shprehet Bexheti, duke ironizuar logjikën sipas së cilës çdo i ri që hap kompani etiketohet automatikisht si “ndërtues pallatesh”.

 

Ai sqaron se akuza e vetme ndaj tij lidhet me mosparaqitjen, me vonesë prej tre muajsh, të themelimit të kompanisë në Komisionin Shtetëror për Parandalimin e Korrupsionit (KSHPK). Sipas interpretimit të tij të ligjit, duke qenë se fëmijët e tij jetojnë ndaras, nuk ka ekzistuar obligim për deklarim, por shton se nëse KSHPK vlerëson ndryshe, ai është i gatshëm ta paraqesë.

 

Në reagimin e tij, Bexheti bën krahasime me atë që i quan skandale reale, duke përmendur tenderë milionësh të ndarë kompanive me pak të punësuar dhe kontrata të mëdha shtetërore që, sipas tij, kanë përfunduar te persona të afërt me elitat politike.

 

“Kur nuk kanë argumente kundër meje, fillojnë t’i sulmojnë fëmijët e mi. Kjo flet më shumë për ta sesa për mua,” thekson ai, duke shtuar se mbetet konsekuent në qëndrimin që institucionet të bëjnë punën e tyre dhe ligji të vlejë njësoj për të gjithë.

 

Bexheti përfundon se, sipas tij, senzacionet e montuara do të mbeten vetëm në nivel spekulimesh dhe senzacionalizmi të lirë.

 

Gjatë ditës Radio Evropa e Lirë publikoi lajmin se dy fëmijët e deputetit të BDI-së, Blerim Bexheti, kanë themeluar një kompani me veprimtari ndërtimore./ZYRTARE.net

Më të lexuara

Pagoi mbi 338 mijë denarë për shtëpinë e re – mjeshtri nga Matka e Epërme u zhduk me paratë

Një 46-vjeçar nga rajoni i Shkupit ka denoncuar në...

Ndahet nga jeta i riu nga Saraji, Huseijn Alija

Me pikëllim të thellë është pritur lajmi për ndarjen...

Skandal në „Higjiena Komunale“ – Shkup: Punonjësi humb vetëdijen nga kërcënimet, policia gjen pistoletë në veturën e shefit

Një udhëheqës sektori në Ndërmarrjen Publike „Higjiena Komunale“ është...

Gjimnazisti nga Saraji promovoi librin e parë

Sot në shkollën e mesme në Saraj, një nxënës...

8 të arrestuar, sekuestrohen rreth 50 mijë euro! Aksion policor për dyshime për krim në operacionet e syve

Aksioni i policisë përfundoi me prangosjen e 8 personave,...

DPHM: Maqedonia nesër do të përfshihet nga një erë e fortë deri 80 km/h

Drejtoria për Punë Hidrometeorologjike njofton se të premten, më...

Drejtorët e “Dauti-Komerc”, në konferencën ekonomike “Ekonomia shpëtonë Luginën”

Në konferencën e ekonomike me temë “ Ekonomia shpëtonë...

Artikuj të ngjashëm