BDI thirr mbledhje urgjente pas humbjes së zgjedhjeve lokale

Bashkimi Demokratik për Integrim ka thirrur sot një mbledhje urgjente të Kryesisë Qendrore, pas përfundimit të raundit të dytë të zgjedhjeve lokale që u mbajtën dje, ku koalicioni Aleanca Kombëtare për Integrim (AKI), i udhëhequr nga BDI, arriti të fitojë vetëm një komunë – atë të Studeniçanit, shkruan gazeta KOHA.

 

Mbledhja është thirrur nga kryetari i partisë, Ali Ahmeti, dhe pritet të fokusohet në analizën e rezultateve të dy raundeve të zgjedhjeve, si dhe në mënyrën e ristrukturimit të partisë pas disfatës më të madhe elektorale në dy dekada.

 

Ndryshe, mbrëmë pas shpalljes së rezultateve, lideri Ahmeti deklaroi se pavarësisht humbjeve në disa komuna, BDI-ja dhe koalicioni AKI kanë fituar “votën popullore dhe komunale” me mbi 23.000 vota diferencë. Ai e cilësoi këtë si një “mandat moral dhe politik” për të vazhduar më të bashkuar dhe më të përkushtuar ndaj qytetarëve.

 

“Fitorja në votën popullore dhe komunale, me mbi 23.000 vota diferencë, është një mandat moral dhe politik që na obligon të vazhdojmë më të bashkuar, më të disiplinuar dhe më të përkushtuar ndaj qytetarëve. Sepse, në fund të ditës, legjitimiteti i çdo vizioni politik buron nga besimi i qytetarëve, dhe ky besim nuk është dëmtuar, por përforcuar”, theksoi Ahmeti.

 

Kreu i BDI-së shtoi se humbjet në disa komuna do të shërbejnë si sinjal për analizë të thelluar dhe për rinovim të brendshëm.

 

“Ne do të bëjmë një analizë të thelluar, do të rinovojmë radhët dhe strategjitë tona dhe do të korrigjojmë çdo mangësi për të ofruar më shumë dhe më mirë për qytetarët”, tha Ahmeti.

Rezultatet e zgjedhjeve kanë tronditur strukturat e BDI-së, e cila pas më shumë se 20 vitesh dominim në skenën politike shqiptare, për herë të parë humbi shumicën e komunave kryesore në favor të koalicionit opozitar VLEN. (koha.mk)

Më të lexuara

Abdullah Ismaili zgjidhet kryetar i PDSH-së në Saraj

Abdullah Ismaili është zgjedhur kryetar i degës së Partisë...

Skandal në „Higjiena Komunale“ – Shkup: Punonjësi humb vetëdijen nga kërcënimet, policia gjen pistoletë në veturën e shefit

Një udhëheqës sektori në Ndërmarrjen Publike „Higjiena Komunale“ është...

Bashkësia Islame: MERRET LEJA PËR NDËRTIMIN E OBJEKTIT TË RI ADMINISTRATIV PRANË KALASË SË SHKUPIT

NJË ARRITJE E RËNDËSISHME PËR BASHKËSINË FETARE ISLAME Pas shumë...

Shkollat e mesme në Shkup pajisen me makina të reja për pastrimin e dyshemeve

Shkollat e mesme në Shkup janë pajisur me makina...

Arabia Saudite e para në botë për shërbimet qeveritare digjitale, përmbush objektivin e Vizionit 2030

Arabia Saudite është renditur e para në botë në...

“Safe City” me funksion të ri nga dhjetori, kamerat do të regjistrojnë edhe parkimin e parregullt

Nga fillimi i dhjetorit, sistemi “Safe City” pritet të...

Një muaj paraburgim për Gjestin

Gjykata Themelore në Prishtinë ka caktuar masën e paraburgimit...

Artikuj të ngjashëm