Ish-ministri i Shoqërisë Informatike dhe Administratës dhe ish-këshilltari i Gruevskit, Azir Aliu, ka deklaruar sot nga Prishtina se mbetet pjesë e procesit politik të nisur në kuadër të VLEN dhe Qeverisë aktuale, pavarësisht largimit të kreut të partisë së tij, Arben Taravari.
Në një reagim publik në Facebook, Aliu shprehet se ndryshimi në shoqëri nuk ndalet me pengesën e parë, ndërsa e cilëson këtë qeveri si të vetmen që ka sfiduar realisht strukturat e korruptuara të së kaluarës. “Qëndroj me qytetarët, me idenë për ndryshim të vërtetë, me luftën që ka nisur të japë rezultate”, shkruan Aliu.