Autoritetet në Gaza: 342 persona të vrarë në shkeljet izraelite që nga armëpushimit

Ushtria izraelite ka kryer 497 shkelje të armëpushimit në Rripin e Gazës që nga hyrja e tij në fuqi, duke vrarë 342 persona dhe plagosur 875 të tjerë, tha të shtunën Zyra për Media e Qeverisë së Gazës, transmeton Anadolu.

 

Ajo e akuzoi Izraelin për minimin sistematik të marrëveshjes nëpërmjet sulmeve vdekjeprurëse dhe inkursioneve të përsëritura.

 

Zyra tha se 27 shkelje u regjistruan të shtunën, duke rezultuar në 24 të vrarë dhe 87 të plagosur. Ajo e quajti këtë model “shkelje flagrante” të së drejtës humanitare ndërkombëtare dhe protokollit humanitar të bashkangjitur marrëveshjes së armëpushimit.

 

Sipas zyrës, shkeljet izraelite që nga 10 tetori përfshijnë 142 të shtëna që kanë në shënjestër civilët, shtëpitë dhe tendat e të zhvendosurve; 21 inkursione tokësore përtej “vijës së verdhë”; 228 sulme ajrore, artilerie dhe tokësore; dhe 100 shkatërrime të banesave dhe strukturave civile, gjë që – sipas saj – përbën “ndëshkim kolektiv” dhe përpjekje për të zgjeruar shkatërrimin.

 

Zyra tha se 35 palestinezë janë ndaluar gjithashtu gjatë bastisjeve dhe inkursioneve, ndërsa akuzoi Izraelin se po përpiqet të “krijojë një realitet të ri të përgjakshëm që kërcënon sigurinë dhe stabilitetin në Rripin e Gazës”.

 

Më herët, Mbrojtja Civile e Gazës tha se të paktën 22 palestinezë u vranë të shtunën nga sulmet ajrore izraelite që goditën shtëpi dhe një automjet në disa zona të Gazës, në një shkelje të re të armëpushimit.

 

Izraeli vazhdon të mbajë të pushtuar më shumë se 50 për qind të Gazës nën marrëveshjen e armëpushimit, me “vijën e verdhë” që ndan zonat nën dislokimin e ushtrisë nga ato të banuara nga palestinezët.

 

Ushtria izraelite së fundmi ka riintensifikuar sulmet në lindje të vijës së verdhë, duke shkatërruar zona të gjera dhe duke i bërë zonat përreth jashtëzakonisht të rrezikshme për civilët.

 

Që nga tetori i vitit 2023, ushtria izraelite ka vrarë pothuajse 70.000 persona në Gaza, kryesisht gra dhe fëmijë, ka plagosur mbi 170.800 dhe e ka shndërruar enklavën në rrënoja. Sulmet u ndalën nën një marrëveshje armëpushimi të ndërmjetësuar nga presidenti amerikan Donald Trump.

Më të lexuara

Abdullah Ismaili zgjidhet kryetar i PDSH-së në Saraj

Abdullah Ismaili është zgjedhur kryetar i degës së Partisë...

Skandal në „Higjiena Komunale“ – Shkup: Punonjësi humb vetëdijen nga kërcënimet, policia gjen pistoletë në veturën e shefit

Një udhëheqës sektori në Ndërmarrjen Publike „Higjiena Komunale“ është...

Bashkësia Islame: MERRET LEJA PËR NDËRTIMIN E OBJEKTIT TË RI ADMINISTRATIV PRANË KALASË SË SHKUPIT

NJË ARRITJE E RËNDËSISHME PËR BASHKËSINË FETARE ISLAME Pas shumë...

Shkollat e mesme në Shkup pajisen me makina të reja për pastrimin e dyshemeve

Shkollat e mesme në Shkup janë pajisur me makina...

Arabia Saudite e para në botë për shërbimet qeveritare digjitale, përmbush objektivin e Vizionit 2030

Arabia Saudite është renditur e para në botë në...

“Safe City” me funksion të ri nga dhjetori, kamerat do të regjistrojnë edhe parkimin e parregullt

Nga fillimi i dhjetorit, sistemi “Safe City” pritet të...

Një muaj paraburgim për Gjestin

Gjykata Themelore në Prishtinë ka caktuar masën e paraburgimit...

Artikuj të ngjashëm