Në pyetjen “Për cilën parti do të votonit nëse nesër mbahen zgjedhje parlamentare”, 24,4 për qind nga të anketuarit janë përgjigjur se do të votojnë për LSDM-në, 24 për qind për VMRO-DPMNE-në, 6,9 për qind për BDI-në, 2,7 për qind për Aleancën për Shqiptarët, 1,7 për qind për BESA-n, 2,5 për qind për parti tjera, ndërsa 37,8 për qind ishin përgjigjur nuk e di/nuk do të votoj.
Këtë e kanë treguar rezultatet nga hulumtimi i mendimit publik, të cilin për Qendrën e Maqedonisë për Bashkëpunim Ndërkombëtar (QMBN) e zbatoi agjencia M-prospekt në periudhën prej 24 korrikut deri më 1 gusht të vitit 2018.
Sipas rezultateve, te maqedonasit VMRO-DPMNE-ja ka avantazh të vogël me 31,2 për qind, përkundër LSDM-së me 28,3 për qind, përderisa LSDM-ja ende ka përkrahje te tetë përqind të shqiptarëve, përderisa te VMRO-DPMNE-ja ajo është më e vogël se një për qind. Anketa është zbatuar nëpërmjet të telefonit te 1.026 të anketuar të moshës mbi 18 vjeçarë. /derveni.info