VLEN “eliminon” ministrat Filkov dhe Stoilkoviç, rikonstruimi i Qeverisë drejt finalizimit

Bisedimet për rikonstruimin e Qeverisë mes partnerëve të koalicionit qeverisës, VMRO-DPMNE, VLEN dhe ZNAM, pritet të përmbyllen deri në fundjavë.

Sipas informacioneve që ka siguruar ZYRTARE.net nga burime të përfshira në negociata, VLEN ka arritur të sigurojë dy nga dikasteret që i ka kërkuar gjatë bisedimeve, ministri që deri më tani janë udhëhequr nga dy kuadro “problematik” Igor Filkov dhe Ivan Stoilkoviç.

Burimet bëjnë të ditur se në takimin e fundit mes krerëve të VLEN-it dhe kryeministrit Mickoski është arritur pajtueshmëri që Ministria e Drejtësisë, e drejtuar aktualisht nga Igor Filkov, t’i kalojë VLEN-it në kuadër të rikonstruimit. Po ashtu, pjesë e marrëveshjes është edhe Ministria për Sistem Politik dhe Marrëdhënie ndërmjet Bashkësive, e cila aktualisht udhëhiqet nga Ivan Stoilkoviç.

Sipas të njëjtave burime, VLEN do të udhëheq me Ministrinë e Kulturës dhe Turizimit si dhe ministrinë e Sportit, ndërsa Ministria e Shëndetësisë dhe Ministria e Punës, Politikës Sociale dhe Demografisë pritet t’i kalojnë VMRO-DPMNE-së.
Nga ky rikonstruim VLEN pritet të dal me një resor ministror më shumë sesa ka pasur pasi nuk do të ketë pozicionin e zëvëndëskryeminstirit për qeverisje të mirë, që deri dje e ka mbajtur Arben Fetai.

Nga VMRO-DPMNE mësohet se nuk priten lëvizje të shumta në kabinetin qeveritar, me përjashtim të disa ndryshimeve të caktuara, ku përflitet pozicioni i ministrit aktual të Bujqësisë, Cvetan Tripunovski.

Me këtë rikonstruim, pjesë e shumicës qeveritare pritet të bëhet edhe Partia Demokratike e Turqve e deputetit Bejxhan Iljas, e cila deri më tani ishte pjesë e Frontit Evropian të udhëhequr nga BDI.

Sipas burimeve, negociatat për ndarjen e dikastereve duhet të përfundojnë deri të premten, ndërsa gjatë fundjavës partnerët qeveritarë pritet të finalizojnë listën e emrave të ministrave të rinj, të cilët më pas do të procedohen për votim në Kuvend./ZYRTARE.net/

Më të lexuara

Vritet 27-vjeçari nga Radusha në Berlin, dy autorë ende në arrati, ja detajet e para

Në orët e para të mëngjesit të së hënës,...

LAJMI FUNDIT! Jakup Krasniqi niset nga Haga drejt Kosovës

Ish-kryetari i Kuvendit të Kosovës, Jakup Krasniqi, është nisur...

Android alarmon për tërmet 6.5 ballë, Maqedonia në zonën e rrezikut – ja çfarë ndodhi

Një paralajmërim automatik për tërmet me magnitudë fillestare prej...

Pritet vala e shkarkimeve të drejtorëve?!

Vala e ndryshimeve pas rikonstruimit qeveritar dhe plotësimit të...

Lirohen çmimet e derivateve të naftës

Çmimet me pakicë të derivateve të naftës në Maqedoninë...

Nafta dhe benzina në pritje të çmimeve të reja

Komisioni Rregullator për Energjetikë (KRRE) sot, më 13 tetor,...

Orce Gjorgjievski: Ndërtojmë urë dhe rrethrrotullim në Saraj, Shkupi merr hyrje të re

Kryetari i Qytetit të Shkupit, Orce Gjorgjievski, ka njoftuar...

Artikuj të ngjashëm