Pas 12 vitesh, Maqedonia e Veriut dhe Turqia rikthejnë në nivel të lartë dialogun për transportin rrugor

Në Ministrinë e Transportit të Maqedonisë së Veriut u mbajt mbledhja e Komitetit të Përbashkët për Transportin Rrugor ndërmjet Maqedonisë së Veriut dhe Turqisë, duke shënuar rikthimin e dialogut institucional në këtë format pas më shumë se 12 vitesh, njoftojnë nga ministria, transmeton Anadolu.

Delegacioni i Republikës së Turqisë u kryesua nga zëvendësministri i Transportit dhe Infrastrukturës, Dumus Unuvar dhe zëvendësdrejtori i përgjithshëm i Organizatës për Shërbime Transporti të Turqisë, Hasan Boz, të shoqëruar nga përfaqësues të institucioneve kompetente turke.

Nga ana e Maqedonisë së Veriut, takimi u kryesua nga zëvendësministrja e Transportit, Kaltrina Zekolli Shaqiri, së bashku me përfaqësues të sektorëve dhe njësive kompetente për transportin rrugor, transportin e mallrave dhe transportin e udhëtarëve.

Gjatë takimit, sipas njoftimit, të dyja palët diskutuan për zhvillimet në sektorin e transportit rrugor, bashkëpunimin bilateral, nevojat e transportuesve dhe mundësitë për avancimin e mëtejmë të lidhjeve transportuese dhe ekonomike ndërmjet dy vendeve.

“Rezultati më i rëndësishëm i takimit ishte nënshkrimi i protokollit të ri për transportin rrugor, me të cilin u dakordua rritja e numrit të lejeve për operacionet e transportit me vendet e treta nga 1.300 në 1.500 si dhe rritja e numrit të lejeve ekzistuese nga 3.150 në 3.500. Gjithashtu, palët u dakorduan për shkëmbimin e 250 lejeve shtesë për vitin 2026 me qëllim të përmbushjes së nevojave në rritje të transportuesve dhe lehtësimit të qarkullimit të mallrave ndërmjet dy vendeve”, thuhet në njoftim.

Në njoftim u bë e ditur se të dyja delegacionet vlerësuan se këto vendime përfaqësojnë një hap të rëndësishëm drejt forcimit të bashkëpunimit ekonomik dhe krijimit të kushteve më të favorshme për sektorin e transportit, duke kontribuar në rritjen e shkëmbimeve tregtare dhe përmirësimin e lidhjeve ndërmjet Maqedonisë së Veriut dhe Turqisë.

“Në takim u theksua se dy vendet gëzojnë marrëdhënie të shkëlqyera tradicionale dhe partneritet të fuqishëm në shumë fusha ndërsa u shpreh gatishmëria e ndërsjellë për vazhdimin e dialogut dhe bashkëpunimit në funksion të zhvillimit të transportit modern, efikas dhe të qëndrueshëm. Mbledhja e Komitetit të Përbashkët për Transportin Rrugor konfirmoi përkushtimin e të dy vendeve për thellimin e bashkëpunimit institucional dhe avancimin e projekteve e iniciativave të përbashkëta në fushën e transportit”, thuhet më tej.

Më të lexuara

Vritet 27-vjeçari nga Radusha në Berlin, dy autorë ende në arrati, ja detajet e para

Në orët e para të mëngjesit të së hënës,...

LAJMI FUNDIT! Jakup Krasniqi niset nga Haga drejt Kosovës

Ish-kryetari i Kuvendit të Kosovës, Jakup Krasniqi, është nisur...

Android alarmon për tërmet 6.5 ballë, Maqedonia në zonën e rrezikut – ja çfarë ndodhi

Një paralajmërim automatik për tërmet me magnitudë fillestare prej...

Pritet vala e shkarkimeve të drejtorëve?!

Vala e ndryshimeve pas rikonstruimit qeveritar dhe plotësimit të...

Lirohen çmimet e derivateve të naftës

Çmimet me pakicë të derivateve të naftës në Maqedoninë...

Nafta dhe benzina në pritje të çmimeve të reja

Komisioni Rregullator për Energjetikë (KRRE) sot, më 13 tetor,...

Shtrenjtohet dukshëm nafta, lirohet benzina

Nafta nga mesnata do të shtrenjtohet për 5,5 denarë...

Artikuj të ngjashëm