Kabineti saudit: Vizita e presidentit turk tregoi forcën e marrëdhënieve dypalëshe

Kabineti i Arabisë Saudite tha se vizita zyrtare e presidentit turk, Recep Tayyip Erdogan, në mbretëri javën e kaluar tregoi forcën e marrëdhënieve midis dy vendeve, transmeton Anadolu.

 

Kabineti, i mbledhur në kryeqytetin Riad nën kryesimin e Mbretit Salman bin Abdulaziz, u informua për bisedimet që zhvilloi Erdogan me Princin e Kurorës, Mohammed bin Salman, raportoi Agjencia Saudite e Shtypit (SPA).

 

Kabineti tha se vizita nxori në pah natyrën e fortë të lidhjeve dypalëshe dhe pasqyroi vullnetin për të forcuar bashkëpunimin në fusha të ndryshme, duke theksuar se kjo u konkretizua përmes marrëveshjeve dhe memorandumeve të mirëkuptimit të nënshkruara gjatë vizitës.

 

Gjithashtu, Kabineti autorizoi ministrin e energjisë të zhvillojë bisedime dhe të nënshkruajë marrëveshje kornizë dhe bashkëpunimi me Turqinë dhe Jordaninë për përdorimin paqësor të energjisë bërthamore.

 

Erdogan vizitoi Arabinë Saudite më 3 shkurt dhe më pas udhëtoi në Egjipt. Gjatë vizitës u nënshkruan marrëveshje me të dy vendet në fusha të ndryshme, veçanërisht në sektorin e energjisë.

Më të lexuara

Tragjedi në Kondovë, 38-vjeçari humb jetën nga rryma elektrike gjatë punës në ndërtim

Një ngjarje tragjike ka ndodhur sonte në Kondovë të...

Android alarmon për tërmet 6.5 ballë, Maqedonia në zonën e rrezikut – ja çfarë ndodhi

Një paralajmërim automatik për tërmet me magnitudë fillestare prej...

LAJMI FUNDIT! Jakup Krasniqi niset nga Haga drejt Kosovës

Ish-kryetari i Kuvendit të Kosovës, Jakup Krasniqi, është nisur...

Pritet vala e shkarkimeve të drejtorëve?!

Vala e ndryshimeve pas rikonstruimit qeveritar dhe plotësimit të...

Vritet 27-vjeçari nga Radusha në Berlin, dy autorë ende në arrati, ja detajet e para

Në orët e para të mëngjesit të së hënës,...

Nafta dhe benzina në pritje të çmimeve të reja

Komisioni Rregullator për Energjetikë (KRRE) sot, më 13 tetor,...

Artikuj të ngjashëm