Në ndeshjen e katër të grupit C, Maqedonia e Veriut barazoi me Italinë 101, në ndeshjen e vlefshme për kualifikim për kampionatin evropian “Euro 2024”
Në pjesën e parë të ndeshjes italianët dominuan në të gjitha aspektet e lojës së futbollit duke poseduar topin dhe duke krijuar pesë raste për të shënuar, një goditje që u ndalë shtylla, por rrjeta e portës së Dimitrievskit mbeti e pa prekur.
Në fillim të pjesës së dytë u zhbllokua rezultati me golin që e shënoi, ylli i Lacios, Çiro Immobile në minutën e 49. Për Immobile ishte ky goli i tretë kundër Maqedonisë së Veriut pas atyre dy golave në vitin 2016 kur Italia në Shkup fitoi 2-3.
Kapiteni i Maqedonisë Veriut Enis Bardhi në minutën e 81-të nga goditja e lirë, që është specialiteti i tij nga distanca 20 metra me goditje precize tundi portën Donnarumas për rezultatin 1-1
Stadiumi: Arena “Todor Proeski” në Shkup
Arbitri I ndeshjes: Felix Zwayer (Gjermani)
Publiku: Mbi 20.000
Maqedonia e Veriut (4-2-3-1): Dimitrievski, Zajkov, Manev, Musliu (Serafimov), Alijoski, Ashkovski (Dimovski), Bardhi, Atanasov (Iljazovski), Elezi (Isnik Alimi), Elmaz, Miovski
Selektor: Bllagoja Milevski
Italia (4-3-3): Donnaruma. Dimarko (Biraghi), Bastoni, Mançini (Scalvini), Di Lorenzo, Tonali, Cristante, Barella, Zaccagni (Gnonto), Immobile, Politano (Zaniola)
Selektor: Luciano Spaletti
Në ndeshjen tjetër të Grupit C, Ukrania dhe Anglia barazuan duke luajtur 1-1. Tavbelën e kryeson Angkia me 10 pikë, para Ukrainës që ka 7 pikë, Italia dhe Maqedonia e Veriut kanë nga 4 pikë, ndërsa Malta nuk ka asnjë pike fituar.