Në Teatrin shqiptar për fëmijë dhe të rinj – Shkup, nesër do të shfaqet Premiera e shfaqjes për të rinj “Krokodili” nga Tom Basden.
Shkup, 1 qershor 2023 (MIA) – Në Teatrin shqiptar për fëmijë dhe të rinj – Shkup, nesër do të shfaqet Premiera e shfaqjes për të rinj “Krokodili” nga Tom Basden.
Shfaqja është e bazuar mbi tregimin e shkurtër të Fjodor Dostojevskit, në regji të Agon Myftari. Kjo është një vepër satirike në të cilën me shumë mjeshtëri shfaqen të gjitha vetitë negative të shoqërisë.
Në këtë dramë kemi personazhin kryesor Ivan, një aktor i ri, i cili pavarësisht të gjitha ngritjeve dhe rënieve, nëpër të cilat ai kalon, nuk heq dorë nga ëndërra e tij, nga besimi që e ndjek pandërprerë se një ditë ai do të arrijë majat e suksesit në profesionin e tij dhe përmes skenës teatrore do të ndryshojë botën.
Rolet i luajnë: Eldin Shiroki, Flakron Aliu, Melika Kastrati dhe Mumin Abdullahi. bsh/