Xavi paralajmëron Barcelonën për titullin në La Liga.
Trajneri i Barcelonës, Xavi nuk po merr asgjë si të mirëqenë në sfidën e tyre për titull në La Liga këtë sezon.
Blaugranët duket se do të fitojnë titullin e parë të ligës që nga viti 2019, pasi kanë një epërsi prej 13 pikësh ndaj vendit të dytë Real Madridit.
Megjithatë, megjithë avantazhin e tyre, Xavi është i vetëdijshëm se skuadra e tij ka rënë në ndeshjet e fundit, me një barazim 0-0 kundër Gironas dhe një eliminim në gjysmëfinale të Copa del Rey nga Los Blancos.
Ish-mesfushori spanjoll mbetet i sigurt për sfidën e vazhdueshme për titull, por ai i paralajmëroi lojtarët e tij kundër çdo vetëkënaqësie të mundshme.
“Ne jemi shumë të emocionuar nga shansi për të fituar ligën. Jemi në një situatë të privilegjuar, me një avantazh dhe duam ta ruajmë atë”, ka thënë fillimisht Xavi në konferencë.
“Megjithatë, ne ende duhet të fitojmë shumë ndeshje për ta fituar atë”, përfundoi trajneri i Barcelonës./Derveni.mk