Viteve të fundit e sidomos me paraqitjen e pandemisë Covid 19, nevoja për shëtitje në natyrë siduket ka ngritur dukshëm interesimin e njerëzve për pjesmarrje në aktivitetet e klubeve bjeshkatare të cilët operojnë në vendin tonë. Pas një jave plot punë dhe stres shum njerëz zgjedhin vikendin për një shëtitje në natyrë.
Klubet dhe shoqatat bjeshkatare në vendin tonë kanë intensifikuar aktivitetet dhe disa prej tyre organizojnë aktivitete çdo javë dhe në çdo stinë. Një prej klubeve bjeshkatare më të mëdha në vend “Gryka e Dervenit” duket se ka ngjeshur radhët e saj me numër të madh antarësh aktiv.
Aktivisti dhe bjeshkatari Isamedin Saidi, i cili është një nga themeliesit e klubit, për portalin derveni.mk spjegon se vitin e fundit kanë organizuar mbi 50 aktivitete bjeshkatare ku kanë prezentuar mbi 1000 pjesmarrës entuzijastë dhe adhurues të natyrës.
Ai gjithashtu vlerson se bjeshkët e vendit tonë por edhe të rajonit fshehin bukuri të shumta natyrore të cilat duhet vizituar. Kjo qartësisht shihet edhe nga fotografitë që klubi i postin nëpër rrjetet socijale, të cilat fascinojnëçdokënd që i shikon.
Derveni.mk ju sjell disa nga fotografitë e ecjes së fundit të organizuar nga klubi malor “Gryka e Dervenit”
/Derveni.mk