More

    7 Marsi, Dita e Mësuesit, 137 vite më parë u hap mësonjëtorja e parë shqipe

    Në të gjitha trevat shqiptare, sot festohet 7 Marsi, Dita e Mësuesit, një ngjarje me rëndësi arsimore dhe kulturore, ku të gjithë kujtojnë mësuesit e parë të shkronjave shqipe.

    Dita e Mësuesit, përcillet me aktivitete festive në çdo shkollë të vendit, ndërsa nxënësit dhe prindërit gjejnë rastin të shprehin mirënjohjen për punën e palodhur të mësimdhënësve.

    Fëmijët sidomos ata më të vegjlit dhurojnë tufa lulesh për mësuesit e tyre, ndërsa nuk mungojnë ëmbëlsirat dhe aktivitetet me këngë dhe recitime.

    Dita e Mësuesit i kushtohet personelit edukues të shkollave dhe Universiteteve dhe në këtë ditë, të gjithë së bashku nderojmë traditat më të mira të shkollës kombëtare shqipe, si dhe të figurës së mësuesit.

    Mësuesit shqiptarë në çdo kohë e në çdo krahinë, kanë qenë jo thjesht profesionistë të arsimit, por në radhë të parë ishin patriotë dhe njerëz të emancipuar, humanë dhe artistë të fushave të ndryshme.

    Në mars të vitit 1887 në Korçë, u hap Mësonjëtorja e Parë Shqipe. Në përkujtim të kësaj ngjarjeje të rëndësishme kulturore dhe historike.

    Si sot 137 vite më parë, në qytetin e Korçës u hap Mësonjëtorja e Parë Shqipe, një ngjarje me rëndësi madhore në përpjekjet e popullit shqiptar, për të krijuar shkollën e vet kombëtare.

    Edhe pse në kushte të vështira, kur mësimi i gjuhës shqipe për shkak të kushteve të ndodhura nën sundimin osman ishte rreptësisht i ndaluar, mësonjëtorja e Korçës qëndroi e hapur për gati 20 vjet.

    Drejtues të saj ishin figura të njohura të Rilindjes shqiptare si: Pandeli Sotiri, Petro Nini Luarasi, Nuçi Naçi, Thoma Avrami, etj.

    Kontributi i madh që këta atdhetarë dhe veprimtarë të shquar dhanë për kombin, dëshmohet nga dëshira e zjarrtë që ata kishin për të përhapur dijen në popull.

    Me ato mundësi që kishin, ata u bënë iniciatorët e krijimit të teksteve të para shkollore të dokumentuara.

    Ata i përkushtuan një rëndësi te madhe pajisjes me mjetet e duhura të mësimdhënies, për të bërë më tej dhe shpërndarjen e tyre te nxënësit e tyre.

    Të edukuar me frymën e lartë të patriotizmit, këta nxënës do të bëheshin në të ardhmen pasuesit e denjë të ideologjisë së mësuesve të tyre dhe luftëtarë të devotshem ne luftën për liri dhe pavarësi.

    - Marketing -Ajsel Medica

    TË NGJAJSHMEARTIKUJ
    Rekomanduar për ju

    spot_img

    Të fundit

    Pamje shqetësuese: Momenti me VIDEO kur i dyshuari plagosi me armë zjarri tre personat në Pejë

    Tre persona kanë mbetur të plagosur pas një përleshjeje në Pejë. Lajmin për gazetën online Reporteri.net e ka konfirmuar edhe...

    Fitore e Frontit Europian në zonën 5, konfirmohet deputeti nr.

    Pas rivotimit të ditës së sotme në Njesinë Zgjedhore 5 dhe 6 Fronti Europian mesa duket ka ruajtur mandatin...

    Dimitar Kovaçevski jep dorëheqje nga funksioni kryetar i LSDM-së

    Dimitar Kovaçevski zyrtarisht konfirmoi dorëheqjen nga pozita e kryetarit të LSDM-së, të cilën e shpalli më 8 maj, si...

    KSHZ: 45.88% është dalja deri në orën 17:00 në vendvotimet ku ka rivotim

    Deri në orën 17:00, nga gjithsej 4.514 votues të regjistruar në shtatë vendvotime, kanë votuar 2.071 ose 45,88 për...