Kryeministri teknik, Talat Xhaferi sot në Qeveri priti në takim volejbollisten Erjona Jonuzin, e cila është shqiptarja e vetme në Reprezentacionin e Maqedonisë së Veriut në volejboll, përcjell TV21. Xhaferi thotë se beson që Erjonën e pret një karrierë e ndritur, marrë parasysh që është fituesja e vetme e titullit MVP në garat evropiane.
“Sot u takova me sportisten Erjona Jonuzi, volejbollisten e re me karrierë të ndritshme 12 vjeçare. E urova që është fituesja e vetme e titullit MVP në garat evropiane edhe krahas disfatës së Maqedonisë së Veriut kundër Letonisë. Shqiptarja e vetme në reprezentacion, e cila luan në pozitën specifike të pasuesit, fituese e mirënjohjes nga Agjencia e të Rinjve dhe Sportit dhe nga Komuna e Tetovës. Karriera sportive e Erjonës ka ardhmëri të ndritur të cilën e mbështes pa rezerva”, shkruan Xhaferi.
![](https://tv21.tv/wp-content/uploads/2024/03/420214342_968934731271162_5873208301146742998_n-1024x683.jpg)
![](https://tv21.tv/wp-content/uploads/2024/03/420199723_968934727937829_6086101563364638736_n-1024x683.jpg)
![](https://tv21.tv/wp-content/uploads/2024/03/419303311_968934734604495_5134820393434971696_n-1024x683.jpg)