Dy të mitur së bashku me prindërit e tyre u rrahën në Qendër të Shkupit. Ata pohojnë se janë sulmuar nga grupi i tifozëve “Komitët”.
Rreth orës 22:30 kanë shëtitur në sheshin e Shkupit, ku pa asnjë shkak grupi prej 20 vetave kanë filluar t’i godasin brutalisht duke u shkaktuar lëndime të rënda trupore.
Policia ende nuk i ka kapur sulmuesit por na informuan se po punojnë në zbardhjen e rastit.
“Në lidhje me pyetjen tuaj, ju njoftojmë se Sektori për Punë të Brendshme Shkup po merr masa për gjetjen e personave dhe për zbardhjen e rastit”, thonë nga MPB.
Ky incident vjen në një kohë kur debatet për dhunën në sport dhe ndikimin e grupeve të tifozëve në shoqëri janë në qendër të vëmendjes. Komuniteti është i shqetësuar për sigurinë e të rinjve dhe kërkon që autoritetet të ndërmarrin masa të menjëhershme për të parandaluar ngjarje të ngjashme në të ardhmen. Disa ditë më parë nga disa persona u sulmua edhe kryetari i FFM-së Muhamed Sejdini.
PortaliX ka raportuar edhe para disa muajve ku një i ri u rrah në Hasanbeg të Shkupit nga pjesëtarë të Komitave, ndërsa polica ende nuk ka gjet sulmuesit.
