Edhe pse votimi u mbyll dhe u tha se ishte i suksesshëm, në Universitetin “Nënë Tereza” në Shkup me sa duket po vazhdon beteja për postin e Rektorit.
Pas votimit që u bë, ku të drejtë vote kishin i gjithë stafi akademik dhe nga një përfaqësues i studentëve nga secili fakultet, kryetari i komisionit të zgjedhjeve Zoran Gacovski, tha para kamerës së TV21 se zgjedhjet përfunduan me sukses dhe sipas rezultateve të para jozyrtare prof.doc. Bekim Fetaji fitoi me dallim prej 3 votave kundrejt kandidatit tjetër prof. dr. Blerim Saiti.
Po me sa duket dikush nuk po pajtohet me këtë rezultat!
Se kush po përpiqet t’i prishë zgjedhjet, për çfarë arsye, si dhe për atë se kush ka bërë presion për votime, do t’i mësojmë gjatë ditës së nesërme.
Përndryshe, po ashtu vlen të rikujtohet se Rektori i ri do të jetë përgjegjës edhe për menaxhimin me 34.5 milionë eurove që Qeveria e Republikës së Maqedonisë së Veriut i ka ndarë për ndërtimin e Kampusit universitar të Universitetit “Nënë Tereza”./TV21