Këngëtari shumë i dashur për të gjithë shqiptarët, Alban Skenderaj edhe pse ishte paralajmëruar dhe ishte prezent në stadiumin “Air Albania”, nuk këndoi para ndeshjes Shqipëri – Ukrainë, transmeton TV21.
Ai doli në binë, por nuk këndoi. Ai vendosi të solidarizohet me familjarët e 14-vjeçarit, Martin Cani i cili ndërroi jetë gjatë ditës së djeshme.
“Duhet të bëjmë kujdes, t’i ruajmë fëmijët sot që nesër të jenë e ardhmja e këtij vendi”, tha Skenderaj.
Kujtojmë që 14-vjeçari i cili mbeti viktimë e një sherri me një bashkëmoshatar të tijin, së fundmi ishte pjesë e klubit të Dinamo U15, ndërsa gjithashtu kishte veshur edhe fanellën e skuadrës tjetër nga kryeqendra shqiptare, atë të Partizanit.
