SPB-Tetovë ka dorëzuar kallëzim penal kundër I.E (42) nga f.Përshefcë i Tetovës, punonjës në Qendrën për Punë Sociale – Tetovë, për shkak të dyshimeve për veprën e kryer penale “keqpërdorim i detyrës zyrtare dhe autorizimit”, kundër A.H (45), B.I (45), T.S (62), D.O (59), të gjithë nga Tetova dhe B.A (46) NGA Bogovina, për shkak të dyshimeve për veprën penale “punë të pandërgjegjshme në shërbim” dhe kundër një personi për shkak të dyshimeve s për veprën penale “raste të veçanta të falsifikimit të dokumenteve”.
Sic thonë nga Policia e Tetovës, më 17 korrik 2022, i pandehuri i parë ka përgatitur kallëzim me të cilin ka mundësuar pagesë të kundërligjshme prapavepruese në shumë prej 289.495 denarë në llogarinë e një personi nga Tetova.
I pandehuri i dytë nuk ka ushtruar mbikëqyrjen e duhur, pra ka lejuar që fjalëkalimi i tij të përdoret nga punonjësit e qendrës.
I pandehuri i tretë, duke vënë në dispozicion të punonjësve të tjerë kodin e tij, ka mundësuar keqpërdorimin e tij, gjegjësisht tërheqjen e mjeteve të lartpërmendura.
I pandehuri i katërt dhe i pestë u kanë mundësuar punonjësve përdorimin e vulës zyrtare, pra keqpërdorimin e saj duke vulosur dokumente të falsifikuara.
I padituri i gjashtë, në cilësinë e drejtorit të Qendrës, nuk ka nisur procedimin për përcaktimin e përgjegjësisë për ushtrimin e paligjshëm të të drejtës së kërkuesit për sigurime shoqërore për të moshuarit.
Ndërkohë i padituri i shtatë ka firmosur dhe vulosur vendimin në emër të një personi tashmë në pension.
