Shkupi shënon 81-vjetorin e çlirimit

Shkupi sot shënon 81-vjetorin e çlirimit në Luftën e Dytë Botërore. Me këtë rast, delegacione nga institucione dhe organizata të ndryshme do të vendosin kurora me lule në Varrezat partizane në Butel, në Aleanë e Kolosëve, si dhe te përmendorja “Çlirimtarët e Shkupit” në pllajën para ndërtesës së Qeverisë.

 

Në këtë ditë, tradicionalisht, Qyteti i Shkupit ndan çmimin “13 Nëntori” për individë dhe institucione që, me punën e tyre, kanë kontribuar në zhvillimin dhe afirmimin e kryeqytetit.

 

Më 13 nëntor 1944, pra 81 vjet më parë, luftëtarët e Divizionit të 42-të dhe të 50-të të Ushtrisë Popullore Çlirimtare të Maqedonisë, së bashku me Brigadën e 16-të maqedonase, e çliruan Shkupin nga okupatori fashist.

 

Pas luftimeve të ashpra disa ditëshe kundër pjesëtarëve të Divizionit të 22-të gjerman të grenadierëve, të përbërë nga regjimentet e 47-të dhe 65-të, si dhe kundër brigadës gjermane “Angermiler”, e cila ishte pozicionuar pranë Grykës së Kaçanikut, luftëtarët hynë fitimtarë në qytet.

 

Në luftimet për çlirimin e Shkupit humbën jetën 420 luftëtarë, ndërsa gjatë gjithë Luftës së Dytë Botërore humbën jetën më shumë se 4.600 qytetarë të Shkupit.

 

Maqedonia, gjatë Luftës së Dytë Botërore, ishte në anën e koalicionit antifashist. Sipas vlerësimeve të historianëve, në këto luftëra humbën jetën rreth 33.000 njerëz, përfshirë edhe më shumë se 7.000 hebrenj nga Maqedonia, të cilët u deportuan në kampin e përqendrimit Treblinka.

Më të lexuara

Skandal në „Higjiena Komunale“ – Shkup: Punonjësi humb vetëdijen nga kërcënimet, policia gjen pistoletë në veturën e shefit

Një udhëheqës sektori në Ndërmarrjen Publike „Higjiena Komunale“ është...

Abdullah Ismaili zgjidhet kryetar i PDSH-së në Saraj

Abdullah Ismaili është zgjedhur kryetar i degës së Partisë...

Moti sot

Moti sot në Maqedoninë e Veriut do të jetë...

Lirohen çmimet e derivateve të naftës

Çmimet me pakicë të derivateve të naftës në Maqedoninë...

Android alarmon për tërmet 6.5 ballë, Maqedonia në zonën e rrezikut – ja çfarë ndodhi

Një paralajmërim automatik për tërmet me magnitudë fillestare prej...

Nisin punimet për ndërrimin e pllakave të dëmtuara në Çarshinë e Vjetër të Shkupit

Në hyrje të Çarshisë së Vjetër të Shkupit kanë...

DPHM: Maqedonia nesër do të përfshihet nga një erë e fortë deri 80 km/h

Drejtoria për Punë Hidrometeorologjike njofton se të premten, më...

Artikuj të ngjashëm