Banorët e fshatit Kopanicë të Komunës së sarajit përmes një shkrese të dërguar në redaksinë e TV Alsat, njoftojnë se shkolla e fshatit tanimë dy ditë ka ngelur pa lëndë djegëse për ngrohje dhe se nxënësit për shkak të ftohtit nuk mbajnë mësim dhe janë lëshuar në shtëpi. Ata alarmojnë organet kompetente, gjegjësisht Komunën e Sarajit dhe Ministrinë e Arsimit që të zgjidhin këtë çështje.

“Shkurtimisht, vetëm dua t’ju informoj se në f. Kopanicë të Komunës se Sarajit , shkolla fillore Drita, sot dy ditë nuk ka lëndë djegëse për ngrohje, si pasojë nxënësit lëshohen në shtëpi se kanë të ftohtë. Mundësisht apelojmë që kryetari i Komunës së Sarajit ose Ministria e Arsimit të marrin masa”, thuhet në letrën e banorëve të Kopanicës.