Sali dhe Hoxha: Nevojitet veprim urgjent për përmirësimin e zbatimit të projekteve IPA në mjedis

Zëvendëskryeministri i parë dhe ministër për çështje evropiane, Bekim Sali, zhvilloi takim pune me ministrin e Mjedisit Jetësor dhe Planifikimit Hapësinor, Muhamet Hoxha, kushtuar gjendjes dhe sfidave në zbatimin e projekteve IPA në sektorin e mjedisit.

Në takim u konstatua se, përkundër mbështetjes së konsiderueshme financiare nga Bashkimi Evropian, realizimi i projekteve përballet me sfida serioze, veçanërisht në aspektin e absorbimit të fondeve, kapaciteteve administrative dhe procedurave të prokurimit publik.

 

Vëmendje e veçantë iu kushtua projekteve infrastrukturore kryesore, ku u theksua se disa prej tyre përballen me vonesa, tenderë të pasuksesshëm ose ndërprerje kontratash, duke rrezikuar realizimin në kohë dhe shfrytëzimin e fondeve.

 

Ministrat u pajtuan se sfida kryesore nuk qëndron te planifikimi apo sigurimi i fondeve, por te zbatimi efektiv i tyre, dhe se është e domosdoshme:

forcimi i kapaciteteve administrative

përmirësimi i menaxhimit të projekteve

koordinim më efikas ndërinstitucional

vendosja e mekanizmave për parandalimin e tenderëve të pasuksesshëm.

 

Gjithashtu, u theksua rëndësia e përshpejtimit të reformave në kuadër të Kapitullit 27 dhe përmbushjes së obligimeve nga Agjenda e Reformave, veçanërisht në fushën e politikave klimatike dhe sistemit MRVA.

 

Sali theksoi se Ministria për Çështje Evropiane do të vazhdojë të koordinojë dhe monitorojë nga afër zbatimin e reformave, me qëllim shfrytëzimin më efikas të fondeve të BE-së dhe arritjen e rezultateve konkrete për qytetarët.

Më të lexuara

Lirohen çmimet e derivateve të naftës

Çmimet me pakicë të derivateve të naftës në Maqedoninë...

Çmimet e reja të derivateve të naftës nga mesnata

Komisioni Rregullator për Energjetikë (KRE) në Maqedoninë e Veriut...

Pritet vala e shkarkimeve të drejtorëve?!

Vala e ndryshimeve pas rikonstruimit qeveritar dhe plotësimit të...

Rapsodit Murat Lamallarit, djemt i dhurojnë veturë luksoze për ditëlindje

Rapsodit Murat Lamallarit, djemt i dhurojnë veturë luksoze për...

Grubi: 3 milionë euro për ndërtimin e rrugës “Hasan Prishtina” në Vizbeg

Shkup, 6 prill- Qeveria tashmë i ka ndarë 3...

Xhaferi për vizitë në Komunën e Manastirit

Kryeministri Talat Xhaferi sot do ta vizitojë Komunën e...

LIGJI I RI PËR MARRËDHËNIE PUNE: Trajtim të barabartë të punëtorëve

Qëllimi është të krijojmë një zgjidhje ligjore që do...

Artikuj të ngjashëm