Një prokuror publik nga Prokuroria Themelore Publike në Kumanovë ka lëshuar Urdhër për zhvillimin e një procedure hetimore ndaj një personi për të cilin ekziston dyshim i bazuar se ka kryer veprën penale – Vrasje sipas nenit 123 paragrafi 1, në lidhje me nenin 19 (në tentativë) të Kodit Penal.
I dyshuari 25-vjeçar, në shtëpinë familjare në Kriva Pallankë, ka tentuar me qëllim të privojë nga jeta një vajzë 22-vjeçare, shoqe e një anëtari të familjes së tij.
Nën ndikimin e alkoolit, i dyshuari ka hyrë në një debat verbal me viktimën dhe më pas e ka sulmuar fizikisht, duke i shkaktuar tre plagë me thikë në qafë. Sipas mjekëve, viktima aktualisht nuk është në gjendje të rrezikshme për jetën, por i janë shkaktuar lëndime të rënda trupore.
Prokurori publik i ka dorëzuar gjykatësit të procedurës paraprake një propozim për caktimin e masës së paraburgimit për të dyshuarin.
