Çmimi prestigjioz i kinematografisë norvegjeze nuk e konfirmon vetëm kualitetin e filmit “Hunting Flies” të regjisorit nga Kondova , i cili jeton në Norvegji, Izer Aliu, por ia lehtëson atij realizimin e projekteve të ardhshme filmike , njofton derveni.info.
Kësisoj thotë vetë regjisori, i cili të shtunën mbrëma në ceremoninë e ndarjes së çmimeve “Amanda Awards”, mori trofeun me mbishkrimin: “regjisori më i mirë”. Aliu ishte në garë me dy regjisorë të njohur norvegjezë, Erik Poppe me filmin “The King’s Choice” dhe Kim Hiorthoy me “The Rules for Everything” .
“Amanda Awards” ndryshe njihet edhe si “Oscari norvegjez”, ndërsa për Aliun kjo është hera e dytë që merr një çmim të kësaj ceremonie. Në vitin 2012, ai ishte shpërblyer me çmimin për filmin më të mirë të shkurtër, “To Guard a Mountain”.
Këtë vit, me filmin e metrazhit të gjatë “Hunting Flies” ka qenë i nominuar për dy çmime: për regjinë dhe skenarin më të mirë/derveni.info .
