– Real Madridi e ka konfirmuar forcën e tij, duke u treguar superfuqi evropiane. ‘Los Blancos’ e mposhtën Manchester Unitedin në Superkupën e Evropës, e cila u zhvillua në Shkup.
Kampioni evropian ishte më i mirë dhe fitoi me meritë, edhe pse në pjesën më të madhe të lojës luajti pa yllin Cristiano Ronaldo.
Golat e Casemiros dhe Iscos ia siguruan skuadrës spanjolle trofeun e radhës evropian, duke e konfirmuar atë si ekipin më të trofeshëm në botë.
Madrilenët e qëlluan dy herë tërthorësen, me Casemiron dhe Balen. Ata e shkruan prapë historinë me trajneirn Zinedine Zidane duke e fituar dy herë radhazi Superkupën e Evropës.
Nga ana tjetër, goli i Lukakut ishte i pamjaftueshëm për ekipin e Jose Mourinhos, që muaj më parë e kishte fituar Europa Leaguen.
