Rasti “Talir” në duart e gjykatësit Osman Shabani

Gjykatësi Osman Shabani do ta gjykojë rastin “Talir”, i cili ka të bëjë me financimin e paligjshëm të VMRO-DPMNE-së. Të akuzuar në rastin e Prokurorisë Speciale janë i arratisuri Nikolla Gruevski, Mile Janakeski, Kiril Bozhinovski, Ilija Dimovski, Leko Ristoski si dhe partia. Më parë me një marrëveshje me PSP-në, fajin e pranoi Elizabeta Çingarovska, e cila mori një dënim dyvjeçar me kusht. Sipas Prokurorisë Speciale, të pandehurit mblodhën para për arkën e partisë në mënyrë të paligjshme.