Një person është plagosur në të dy këmbët, gjatë që një incidenti që ka ndodhur të dielën në Saraj të Shkupit. Rasti ka ndodhur rreth orës 20 e 20 minuta para një këmbimore në Qendrën Tregtare “Saraj”. Tre persona kanë plaçkitur pronarin e këmbimores, prej të cilëve njëri ka qenë i armatosur me revole, kurse tjetri me pushkë automatike, shkruan Gazeta Lajm.
Pronari i këmbimores është qëlluar me armë zjarri dhe me këtë rast është plagosur në të dy këmbët. Ai është transferuar me një veturë në Qendrën e Emergjencës në Shkup, ku i është ofruar ndihmë mjekësore. Policia e Shkupit njofton se po ndërmerr masa për ndriçim të plotë të rastit edhe pse incidentet dhe plaçkitjet që ndodhin në pjesën shqiptare rrallë herë ndriçohen.
