More

    Përurohet godina e re e SHF” Dituria” në f.Gërçec

    Sot në SHF “Dituria” në f. Gërçec, Komuna e Sarajit, u bë përurimi i godinës së re, e cila u mundësua me mbështetje financiare nga sektori afarist dhe u implementua nga Fondacioni për zhvillimin e arsimit dhe kulturës Albiz , njofton derveni.info.

    “Ditët kur ne shënojmë ndonjë festë i konsiderojmë si të veçanta. E tillë është edhe kjo ditë kur ne shënojmë një sukses të madh: përfundimin e meremetimit të pesë shkollave tona, në Komunën e Sarajit.

    Të gjithë ne e kemi vështirë ta përfytyrojmë gëzimin e vogëlushëve të vizatuar në fytyrat e tyre engjëllore. Prej këtij shtatori ata do të mësojnë në kushte të reja: me mësonjëtore të ndriçuara, me kulme të sigurta nga bora dhe shiu, me oborre të rregulluar, me orendi të reja”, tha z. Nexhat Shahini, kryetar i Këshillit të donatorëve pranë Fondacionit Albiz.

    Të pranishmëve iu drejtua edhe drejtori ekzekutiv i Fondacionit Albiz, z. Ilir Idrizi, “nëse dëshirojmë një të ardhme më të ndritur duhet të investojmë në rininë – moto kjo që është shndërruar në imperativ për Fondacionin Albiz. Investimi në dije, krijimi i kushteve më të mira për mësim, përkrahja e studentëve dhe nxënësve, mbështetja e institucioneve arsimore në vend, kanë frymëzuar projekte të mirëfillta që fondacioni i ka zhvilluar dhe vazhdon t’i realizojë.”

    Në kuadër të “Projekti për renovimin e shkollave fillore në Komunën e Sarajit” u realizuan këto aktivitete: ndërtimi i godinës së re në Shkollën Fillore “Dituria” në fshatin Gërçec (me gjithë orenditë e brendshme); meremetimi i tualeteve, lyerja e shkollës brenda dhe jashtë, zëvendësimi i dyerve, bankave dhe karrigeve në SHF “Dituria” – Saraj; zëvendësimi i kulmit, pajisja me banka dhe karrige, meremetimi i tualeteve në SH “Drita – f. Rashçe; meremetimi i tualeteve në SHF “Dituria” f. Krushopek; zëvendësimi i kulmit të godinës në SHF “Sami Frashëri” në f. Shishovë; meremetimi i dyshemeve në klasa në SHF “Ibe Palikuqi” në f. Llaskarcë dhe zëvendësimi i dyerve dhe dritareve, meremetimi i dyshemesë në klasa, i tualeteve në SHF “Drita” në f. Kopanicë.

    Buxheti i përgjithshëm i projekti kap vlerën rreth 200.000 euro/derveni.info

    TË NGJAJSHMEARTIKUJ
    Rekomanduar për ju

    Të fundit

    Taravari dhe Sela vizituan Sarajin

    Sonte në Saraj Kryetari i Aleancës për Shqiptarët Arben Taravari dhe ish-kryetari Ziadin Sela takuan strukturat e partisë të...

    Drejtori i ri i NP “Rrugë dhe Rrugica” inspektoi punët në teren

    Kryetarja e Qytetit të Shkupit, Danela Arsovska dhe drejtori i NP “Rrugë dhe Rrugica”, Said Said, inspektuan fazën përfundimtare...

    Fondacioni “ALBIZ” ndërtoi kopshtin për fëmijë në Radushë

    Sot për herë të parë u ndërtua këndi i lojërave inkluziv për fëmijët me nevoja të posaçme në shkollën...

    Shqiptohen 164 gjoba në Shkup

    MPB njofton se gjatë ditës së djeshme në territorin e Shkupit ka regjistruar gjithsejë 164 gjoba për shkelje të...
    WordPress Ads