Futbolli është sporti më i populluar në botë dhe vitet e fundit ka arritur kulmin pasi klubet e mëdha po shpenzojnë shuma ‘faraonike’ për të transferuar lojtarët.
Së fundmi është e përditshmja portugeze “A Bola” e cila ka paralajmëruar një ofertë të çmendur në drejtim të Real Madridit për të lënë të lirë Cristiano Ronaldon.
180 milionë Euro ofertë e padëgjuar më para që paralajmërohet se do të vijë nga Franca, Anglia dhe Kina.
Franca- Janë dy klube të interesuara mjaftueshëm për të marrë shërbimet e Ronaldos, PSG dhe Monaco janë një fuqi e padiskutueshme ekonomike. Pas largimit të Ibrahimovicit, PSG po vuan për një sulmues dhe është e gatshme të shpenzojë plot 180 milionë euro për të transferuar fituesin e “Topit të Artë”. Gjithashtu Monaco ka para mjaftueshëm sidomos po shiti Kylian Mbappé për të cilin nuk kursehen oferta mbi 100 milionë Euro, ndërsa nuk përjashtohet edhe ndonjë shkëmbim i mundshëm mes Ronaldos dhe Mbappé.
Anglia- Ofertat dhe interesim i madh vjen nga Manchester United, skuadra që dashurohet nga Ronaldo. Refuzimi i Griezmann ka detyruar “Djajtë e Kuq” që të kthejnë kokën drejt 32-vjeçarit që dy vitet e fundit ka arritur kulmin në karrierën e tij.
E fundit por jo më pak e rëndësishme janë ofertat nga Kina ku skuadrat janë kthyer në një industri investimesh.
Tashmë duhet të presim nëse ky shkrim i gazetës portugeze është vetëm spekulim mediatik apo pas saj fshihen këto oferta që do tronditin Europën.
