More

    Nxënësit e Sarajit dhe Studeniçanit kërkojnë zgjidhje për transportin

    Me këtë realitet përballen nxënësit e fshatrave të komunës së Sarajit dhe Studeniçanit që ndjekin mësimet në gjimnazin “Zef Lush Marku” dhe “Cvetan Dimov” në Shkup. Çdo ditë para syve të tyre mbyllen dyert e autobusëve të stërngarkuar me nxënës, ndërsa shumë autobusë të tjerë as që ndalen fare në stacione kur shohin këtë turmë të madhe nxënësish. Nxënësit ankohen se për shkak të tollovisë që krijohet shpesh herë edhe vonohen në mësim.

    “Shumë nxënës ka, na merr ndonjëri, ndonjë nuk ndale se shumë nxënës. Me zor futemi se shumë nxënës ka, tash kur shkojmë pasdite në shkollë”.

    “Normal që po duke shkuar në shkollë. Mësoj në Zef Lush Marku, jam nga Saraji”.

    Të revoltuar nga maltretimet që përjetojnë gjatë rrugës për në shkollë, nxënësit kërkojnë transport të veçantë ose të kenë të drejtë të udhëtojnë me minibusët privat, siç edhe ishte para disa vjetësh.

    “Kur jemi pasdite, paradite mirë është. Pasdite prej në ora 13 e 30 jemi në shkollë, ndonjëherë ndodhë vonohemi 10 minuta. Nuk ndalen kur shohin shumë kallaballëk”.

    “Unë mendoj se duhet të kemi transport të veçantë për të shkuar në shkollë”.

    Ndërkohë, shoferët e minibusëve privat thonë se nuk mund të lejojnë transportin e nxënësve për shkak se qytetit i Shkupit u ka mbetur borxh për pagesat e transportit katër vjet më parë.

    “Kemi pas tre-katër vjetësh, ato pagesat nuk na i dhanë. Sa i vjet i keni vozit ashtu? 4 vjet. Edhe nuk keni marr asgjë, sa ju kanë mbet borxh? Përafërsisht nuk e di unë, e di shefi për atë.. Nga njëra anë të jep leje nga tjetra ta ndalon”.

    Për shkak të rrëmujës me nxënësit, pasojat i vuajnë edhe qytetarët e rëndomtë.

    “Përse nuk arritët të ngjiteshit në autobus? Për shkak se ka shumë njerëz. Çdo ditë është kështu. Thuajse po, nuk janë të rregullt. Unë prisja këtu shoferi nuk e hapi derën, trokita disa herë dhe nuk e hapi derën, iku”.

    Nga qyteti I Shkupit shfajësohen duke thënë se transportuesit publik dhe ata privat duhet të mbajnë llogari për realizimin e orarit të rregullt të qarkullimit me qëllim që udhëtarëve tu sigurohet transport efikas në të gjitha relacionet.

     

    - Marketing -Ajsel Medica

    TË NGJAJSHMEARTIKUJ
    Rekomanduar për ju

    spot_img

    Të fundit

    Ulen çmimet e derivateve të naftës në Maqedoni

    Komisioni Rregullator i Energjetikës, i Shërbimeve të Ujit dhe i Shërbimeve të Menaxhimit me Mbeturinat Komunale i Republikës së...

    LSM: Shpenzimet për një familje në Maqedoni për muajin korrik, 60.570 denarë

    Shpenzimet minimale të një familjeje në korrik kanë qenë 60.570 denarë dhe në krahasim me qershorin janë rritur për...

    Aktivë shtatë zjarre, në 24 orët e fundit janë regjistruar 29 zjarre në ambient të hapur

    Shkup, 22 korrik – Qendra për menaxhim me kriza në mëngjes njoftoi se në 24 orët e fundit ka...

    Aksident në autostradën “Ibrahim Rugova”, tetë të lënduar

    Tetë persona kanë pësuar lëndime trupore si pasojë e një aksidenti që ka ndodhur sot në kilometrin e 40-të...