Nikollovski: Duhet të lehtësojmë procedurën për ndërtim! Na mungojnë hotele të mira, në zonat e mbrojtura është e pamundur të ndërtohet

Shtetit i mungojnë hotele të mira, por ekzistojnë pengesa burokratike, veçanërisht në zonat e mbrojtura. Është koha të thjeshtësojmë procedurën për ndërtimin e tyre. Këtë e tha zv/kryeministri dhe ministri i Transportit Aleksandar Nikollovski në tryezën “Autostrada E-75: Infrastruktura si bazë për zhvillimin e turizmit tranzit”.

 

 

“Në momentin aktual jemi në një situatë ku është vërtet e komplikuar të ndërtohet. Planet urbanistike miratohen shumë vonë. Për të mos përmendur zonat e mbrojtura si Ohri, pjesën e vjetër të Manastirit, Krusheva, Kratova, Çarshia e vjetër e Shkupit, të cilat janë të mbrojtura, aty është praktikisht e pamundur. Ne nuk mund të flasim për turizëm dhe në qendrën kryesore turistike të mos ketë asnjë hotel me pesë yje dhe të mos ketë një vend të denjë ku njerëzit mund të akomodohen. Dhe të ketë kufizime prej dy, tre ose katër kate, ku askush nuk do të investonte sepse nuk mund të ketë kthim të investimit”, tha Nikolloski.

 

 

Sipas Nikollovskit, shteti dhe publiku duhet të fillojnë të mendojnë për një strategji për thjeshtimin e procedurave për ndërtim, si të tërhiqen investitorët për ndërtimin e hoteleve, veçanërisht në zonat e mbrojtura.

 

“Për këtë arsye dua ta hap këtë temë, mendoj se duhet ta shqyrtojë edhe publiku. Nga njëra anë është në rregull, duhet të ketë mbrojtje, por nga ana tjetër nëse duam të zhvillohemi, përsëris në pjesën e ndërtimit të hoteleve, jo ndërtimit të ndërtesave, jo ndërtimit të apartamenteve, duhet të lehtësojmë procedurën, që më shumë investitorë të investojnë dhe që në këtë mënyrë të tërheqim turistë”, tha Nikolloski.

 

Nikollovski tha se Maqedonia është ndër shtetet e rralla me rritje me dy shifra të turistëve, dhe për vetëm një vit janë futur 21 linja ajrore direkte nga metropolet evropiane. Ai theksoi rëndësinë e Korridorit 10 si rrugë transporti evropiane ku kalojnë turistë tranzit. Tha se potenciali turistik i Maqedonisë nuk është shfrytëzuar as 10% dhe se shteti ka shansin të bëhet qendër e turizmit tranzit dhe kulturor në rajon.

Më të lexuara

Skandal në „Higjiena Komunale“ – Shkup: Punonjësi humb vetëdijen nga kërcënimet, policia gjen pistoletë në veturën e shefit

Një udhëheqës sektori në Ndërmarrjen Publike „Higjiena Komunale“ është...

Abdullah Ismaili zgjidhet kryetar i PDSH-së në Saraj

Abdullah Ismaili është zgjedhur kryetar i degës së Partisë...

Moti sot

Moti sot në Maqedoninë e Veriut do të jetë...

Lirohen çmimet e derivateve të naftës

Çmimet me pakicë të derivateve të naftës në Maqedoninë...

Android alarmon për tërmet 6.5 ballë, Maqedonia në zonën e rrezikut – ja çfarë ndodhi

Një paralajmërim automatik për tërmet me magnitudë fillestare prej...

Nisin punimet për ndërrimin e pllakave të dëmtuara në Çarshinë e Vjetër të Shkupit

Në hyrje të Çarshisë së Vjetër të Shkupit kanë...

DPHM: Maqedonia nesër do të përfshihet nga një erë e fortë deri 80 km/h

Drejtoria për Punë Hidrometeorologjike njofton se të premten, më...

Artikuj të ngjashëm