Njësia për Krim Ekonomik dhe Korrupsion pranë SPB Shkup sot ka dorëzuar kallëzime penale në Prokurorinë Themelore Publike Shkup kundër 43 personave, të cilët përmes veprimeve të ndryshme të mashtrimeve kompjuterike, falsifikimit të dokumenteve dhe keqpërdorimit të të dhënave personale, kanë marrë pjesë në disa raste mashtrimesh me të ashtuquajturat “kredi të shpejta”.
Për katër nga të dyshuarit, përfshirë edhe një zyrtar të Fondit për Sigurim Shëndetësor, është hapur hetim për veprat penale: Falsifikim i dokumentit (neni 378), Keqpërdorim i të dhënave personale (neni 149) dhe Mashtrim kompjuterik (neni 251-b) sipas Kodit Penal. Ndërkohë, të tjerët janë përfshirë në procedurë si ndihmës apo bashkëkryerës në raste të veçanta.
Ata me veprat e bëra në mënyrë të paligjshme kanë përfituar më shumë se tre milionë denarësh. /SHENJA/