Garat e Kupës së Botës për femra në ski kanë vijuar sot në Amerikë, ku në pistën e Killington u zhvillua gara e sllallomit gjigant. Në pistë ka zbritur edhe skiatorja shqiptare Lara Colturi.
Ajo është klasifikuar në vendin e nëntë në përfundim të dy zbitjeve, duke dhënë kohën e përgjithshme 1’55”62. Pas zbritjes së parë dha kohën 57”41 e më pas regjistroi kohën 58”21 në zbritjen e dyë.
Një tjetër paraqitje e mirë e skiatiores 18-vjecare shqiptare, që grumbullon pikë të rëndësishme në garat e Kupës së Botës. Një javë më parë, ajo u ngjit në podium (e dyta) në garën e zhvilluar në Gurgl (Austri).
Në pistën e Killington do të zhvillohet sot edhe gara e sllallomit, ku sërish do të garojë Lara Colturi për ngjyrat kuqezi.
