Sapo kishte nisur të jetonte dhe vepronte në Hollivud, ai ishte kthyer në Kosovë për tu ndihmuar ushtarëve të “UÇK”-së. Fjala është për Enver Idrizin, kampionin botëror në karate, personalitetin e madh shqiptar që na ka bërë me qindra herë krenarë, shkruan “Kosovarja”.
E, megjithatë, kampioni po rikthehet sërish, tani në shesh-xhirim. Enver Idrizi është ftuar të luaj në një film të metrazhit të gjatë, ko-produksion turko-amerikan. Filmi trajton temën e islamofobisë dhe pikërisht titulli i tij është “Islamofobia”.
Siç kuptojmë, ky projekt filmik do të përpiqet të ilustrojë më mirë islamofobinë e përhapur në vende të ndryshme të botës dhe faktin se myslimanët nuk janë terroristë.
Enver Idrizi do të luaj rolin e një agjenti të CIA-së dhe siç merret vesh personazhi i tij është mjaftë i pranishëm e i rëndësishëm.
Në këtë prodhim turko-amerikan janë të angazhuar emra të njohur të industrisë së filmit në Turqi, por edhe emra të njohur ndërkombëtarisht, siç është ylli i madh hollivudian, Van Damme.
Disa skena të filmit me titull “Islamofobia” do të xhirohen së shpejti edhe në Kosovë e Shqipëri.
