More

    Dega e LR PDSH-së në Saraj distancohet nga RDK-ja e Vesel Mehmetit

     

    Dega e LR PDSH-së në Saraj distancohet nga RDK-ja e Vesel Mehmetit ku mes tjerash ata thanë se ,

    Kryesia e degës si dhe të gjithë anëtarët e LR PDSH-së në Saraj, me indinjatë të thellë kanë reaguar kundër vendimit të njëanshëm dhe kryeneç të partnerit të Aleancës së Shqiptarëve, përkatësisht kundër Vesel Mehmetit, kryetar i RDK-së, i cili pa informuar paraprakisht dhe pa dhënë kurrfarë sqarimi ka vendosur krye më vete që për ministër të saj të propozojë qytetarin e Kondovës, Suhejl Fazliun.

    Parimet esenciale të Marrëveshjes Shqiptare të nënshkruar në mes të liderëve politik shqiptar në Maqedoni, por edhe parimet e marrëveshjes për bllokun opozitar nën emrin Aleanca për Shqiptarë, obligojnë që veprimet të jenë të bashkërenditura dhe në sinkroni të plotë me të gjitha interesat kombëtare. Së këndejmi, edhe përzgjedhja e kandidatëve për poste ministrore duhet të jetë e matur, e kujdesshme, duke i verifikuar personat përmes të kaluarës së tyre në vijën e interesave kombëtare.

    Pyesim publikisht Vesel Mehmetin se kë e përfaqëson qytetari i Kondovës, Zyhejl Fazliu? Më së paku mund të jetë përfaqësues i RDK-së, sepse kjo parti as që ka pasur degë aktive dhe as që ka funksionuar në zonën e Sarajit. Veprimet e linjave nëntokësore më së paku i përkasin Aleancës së Shqiptarëve. Jemi thellësisht të bindur se emërtimi i këtij personi për Ministër të Pushtetit Lokal vjen pikërisht nga kjo linjë, meqë z. Fazliu kurrë nuk është parë as të ketë aderuar në RDK kurse familja e tij ka kohë që nuk marrin pjesë në votime në asnjë palë zgjedhje!

    Dega e LR PDDSH-së, në Saraj, po ashtu, kërkon nga kryesia qendrore e Partisë që ta shqyrtojë aleancën e vet por edhe bashkëpunimin me RDK-në e Vesel Mehmetit i cili jo njëherë është treguar mjaft tinzar, jo i sinqertë, jo parimor dhe misterioz në veprimet e tij të cilat pa dyshim që po e dëmtojnë drejt për drejt LR PDSH-në.

    Thuhet nga reagimi i Degës së  LR PDSH, Saraj.

    - Marketing -Ajsel Medica

    TË NGJAJSHMEARTIKUJ
    Rekomanduar për ju

    spot_img

    Të fundit

    Hospitalizohen dhe shtatë persona të tjerë me kollë të mirë, gjithsej 786 raste në vend

    Prej datës 14 deri më 20 qershor, janë raportuar gjithsej 41 raste të reja me pertusis, të njohur si...

    Komuna e Haraçinës me qendër për ofrimin falas të shërbimeve defektologjike dhe psikologjike për fëmijët me nevoja të posaçme

    Komuna e Haraçinës prej sot ka qendrën e saj për ofrimin falas të shërbimeve defektologjike dhe psikologjike për fëmijë...

    Gjuha e shenjave tani edhe në gjuhën shqipe, promovohet libri nga Valdeta Kasapi dhe Adelina Haskaj

    Komunikimi pemës gjuhës së shenjave, për pjesëtarët e shoqërisë shqiptare në Maqedoni tani e tutje do të ketë një...

    NQP në halle, pësojnë qytetarët/ Drejtorët në punë, por jo fizikisht

    Sa për sy e faqe, janë autobusat të cilat funksionojnë nëpër qytetin e Shkupit. I tillë mbetet të jetë...