Blerant Ramadani nga Aleanca për Shqiptarët-krahu i Arben Taravarit, thotë se do të ankimojnë vendimin e gjykatës së Tetovës për vulat e partisë, përcjell TV21. Avokati Abidin Abduli tha se për këtë rast janë ndërruar 4 gjykatës, ndërsa dyshon se ky vendim është sjellur jashtë institucionit dhe vetëm është nënshkruar nga gjykatësi Ilir Rexhepi.
“Ata thonë se kanë marrë vulat e ASH-së, për t’ia dhënë BDI-së, por edhe sikur të jetë e vërtet, ne do të ankimohemi dhe do të kërkojmë drejtësinë që na takon”, tha mes tjerash Blerant Ramadani, ASH-krahu i Taravarit.
“Dyshimet tona për një krim të organizuar mes kryetarit të gjykatës. Gjykatësit që ka vendosur për lëndën dhe njërit prej avokatëve të palës tjetër është i dukshëm. Lëndën do ta ankimojmë në Gjykatën e Apelit në Gostivar dhe gjithsesi dyshojmë te të gjitha mundësitë për të kërkuar përgjegjësi procedurale dhe penale për kryetarin e gjykatës dhe gjykatësin që ka vendosur në lëndë”, theksoi avokati Abidin Abduli.
