MPB njofton se dje (20.05.2024), midis orës 12:00 dhe 14:30 në rrugën “Marshall Tito” pranë Tregut të Gjelbër në Tetovë, oficerë policie nga Sektori i Punëve të Brendshme – Tetovë, ndërmorën masa dhe aktivitete për të shtypur aktivitetet e paligjshme sipas Ligjit për Akcizat dhe Kodit Penal.
“Gjatë kontrollit, u ndaluan personat I.I. (59) nga fshati Kamjan, R.I. (66) nga fshati Llërc, N.M. (59) nga fshati Sellcë, R.S. (46) nga fshati Pallçisht i Epërm, si dhe R.A. (37) dhe B.Z. (64), të dy nga Tetova, për shkak të dyshimit të bazuar se kanë kryer veprën penale “shmangie e pagesës së akcizës” sipas nenit 279-b të Kodit Penal”.
“Gjegjësisht, gjatë kontrollit të këtyre personave, u gjetën dhe u konfiskuan gjithsej 453 kuti cigare të ndryshme dhe 199 kilogramë duhan të ndryshëm. Ata po mbahen në një stacion policor dhe ndaj tyre do të ngrihen akuza përkatëse pasi të dokumentohet rasti”, thonë nga MPB.