Bisedime për postet e zëvendësministrave drejt fundit, emërimet deri në fund të muajit?

Koalicioni VLEN vazhdon diskutimet intensive me partnerët e koalicionit qeveritar për harmonizimin e pozicioneve në eshallonin e dytë të pushtetit ekzekutiv. Bisedimet po përqendrohen veçanërisht në plotësimin e vendeve që kanë mbetur boshe, ndërsa të gjitha emërimet e reja pritet të përmbyllen zyrtarisht deri në fund të këtij muaji, përcjell INA.

 

Burime nga koalicioni bëjnë të ditur se emrat e kandidatëve potencialë po diskutohen ende aktivisht mes partnerëve të shumicës parlamentare. Megjithatë, sipas të gjitha paralajmërimeve, nuk priten lëvizje apo ndryshime të mëdha strukturore në kabinet, përpos dy emërimeve të reja kryesore në dikasteret e rëndësishme.

 

Ndryshimet e paralajmëruara vijnë si rrjedhojë e riorganizimit të mëparshëm të kabinetit qeveritar, ku VLEN synon të ruajë balancin politik brenda koalicionit duke marrë drejtimin e dy posteve të zëvendësministrave — specifikisht në dikasteret e Shëndetësisë dhe të Politikës Sociale.

Për të realizuar këto emërime pa ndryshuar peshën e përgjithshme politike në qeveri, parashikohet një rokadë ku koalicioni VLEN do të lirojë dy pozita ekzistuese:postin e zëvendësministrit në Bujqësi, i cili pritet t’i kalojë VMRO-DPMNE-së si dhe postin e zëvendësministrit në Kulturë, i cili do t’i takojë VMRO-DPMNE-së ose lëvizjes ZNAM (pasi ministri i linjës është nga radhët e VLEN-it).

Nga ana tjetër, VLEN jozyrtarisht po bisedon për të marr një post edhe në Energjetikë dhe Transformim Digjital.

Kryeministri Hristijan Mickoski ka konfirmuar më parë se visa e plotë e eshallonit të dytë dhe zyrtarizimi i emrave do të përmbyllen përfundimisht gjatë pjesës së dytë të muajit tetor.(INA)

Më të lexuara

Çmimet e reja të derivateve të naftës nga mesnata

Komisioni Rregullator për Energjetikë (KRE) në Maqedoninë e Veriut...

Lirohen çmimet e derivateve të naftës

Çmimet me pakicë të derivateve të naftës në Maqedoninë...

Kondova paguan, por mbetet në terr! Banorët kërkojnë llogari nga Komuna e Gjorçe Petrovit.

Kondova paguan, por mbetet në terr! Banorët kërkojnë llogari...

Pas akuzave nga BDI, flet Arben Taravari: Nuk kam pasur informacion!

Ish-ministri i Shëndetësisë, Arben Taravari, ka reaguar pas akuzave...

Grëçeçi mbetet pa energji elektrike, banorët kërkojnë llogari nga EVN

Banorët e fshatit Gërçeç të komunës së Sarajit po...

Përleshje e përgjakshme në një kazino në Tetovë, 2 persona përfundojnë spital

Një përleshje fizike në një kazino në Tetovë ka...

Artikuj të ngjashëm