“Policia nuk guxon të terrorizojë qytetarët!” – Lëvizja Arbëria kërkon hetim për dhunën ndaj dy shqiptarëve

Lëvizja Arbëria ka reaguar ashpër ndaj pretendimeve për dhunë policore ndaj dy të rinjve shqiptarë në Shkup, duke kërkuar hetim të pavarur, transparent dhe përgjegjësi ligjore për çdo shkelje të mundshme.

 

Në reagimin publik, kjo lëvizje kërkon zbardhjen e plotë të incidentit, përfshirë pretendimet për përdorimin e armës së zjarrit dhe ushtrimin e dhunës fizike ndaj dy të rinjve.

 

Shqetësim të veçantë, sipas Lëvizjes Arbëria, paraqesin informacionet se ngjarja ka nisur në praninë e disa të miturve që po prisnin autobusin në stacion.

 

“Policia duhet të jetë në shërbim të qytetarëve, jo burim frike për ta”, thuhet në reagim.

 

Lëvizja Arbëria thekson se çdo veprim policor duhet të jetë i ligjshëm dhe proporcional, ndërsa zyrtarët që eventualisht kanë rrezikuar jetën e qytetarëve, veçanërisht të fëmijëve, nuk duhet të kenë vend në polici.

 

Nga kjo lëvizje kërkojnë drejtësi pa paragjykime dhe pa dallime etnike, duke theksuar se besimi në institucione mund të rikthehet vetëm përmes transparencës dhe llogaridhënies.

Më të lexuara

Çmimet e reja të derivateve të naftës nga mesnata

Komisioni Rregullator për Energjetikë (KRE) në Maqedoninë e Veriut...

Lirohen çmimet e derivateve të naftës

Çmimet me pakicë të derivateve të naftës në Maqedoninë...

Kondova paguan, por mbetet në terr! Banorët kërkojnë llogari nga Komuna e Gjorçe Petrovit.

Kondova paguan, por mbetet në terr! Banorët kërkojnë llogari...

Pas akuzave nga BDI, flet Arben Taravari: Nuk kam pasur informacion!

Ish-ministri i Shëndetësisë, Arben Taravari, ka reaguar pas akuzave...

Grëçeçi mbetet pa energji elektrike, banorët kërkojnë llogari nga EVN

Banorët e fshatit Gërçeç të komunës së Sarajit po...

Përleshje e përgjakshme në një kazino në Tetovë, 2 persona përfundojnë spital

Një përleshje fizike në një kazino në Tetovë ka...

Artikuj të ngjashëm