JUGO KTHEHET SI HIBRID: DO TË SHPENZOJË VETËM 2,2 LITRA NË 100 KILOMETRA!

Legjendarja jugosllave Yugo po rikthehet sërish në treg, pothuajse dy dekada pas ndërprerjes së prodhimit. Pas prezantimit të dizajnit të ri në Gjermani vitin e kaluar, pronari aktual i markës, biznesmeni dhe profesori universitar serb Aleksandar Bjelić, zbuloi detaje të reja në konferencën automobilistike “SEE Automotive” në Beograd.

 

Sipas informacioneve të disponueshme, Yugo-ja e re do të pozicionohet si një automobil i përballueshëm me sistem hibrid. Çmimi i saj pritet të jetë rreth 12.000 euro, duke e bërë potencialisht një nga veturat e reja më të lira në tregun evropian.

 

Automjeti do të përdorë teknologji hibride me autonomi të zgjeruar, ku motori me djegie të brendshme do të shërbejë si gjenerator për prodhimin e energjisë elektrike. Në këtë mënyrë, vetura nuk do të varet nga stacionet e karikimit dhe nuk do të ketë nevojë për kabllo të jashtme. Në kushte ideale, konsumi mund të jetë vetëm 2,2 litra për 100 kilometra.

 

Pamja mbetet e pandryshuar në krahasim me konceptin e prezantuar në Mynih, ndërsa dizajni është realizuar nga Darko Marčeta nga Zrenjanini.

 

Planet parashikojnë që prototipi i ri të prezantohet për herë të parë publikisht në Expo 2027 në Beograd. Për momentin nuk dihet se ku do të zhvillohet prodhimi, pasi ish-fabrika Zastava në Kragujevc sot është në pronësi të kompanisë Stellantis.

Më të lexuara

Lirohen çmimet e derivateve të naftës

Çmimet me pakicë të derivateve të naftës në Maqedoninë...

Çmimet e reja të derivateve të naftës nga mesnata

Komisioni Rregullator për Energjetikë (KRE) në Maqedoninë e Veriut...

Pritet vala e shkarkimeve të drejtorëve?!

Vala e ndryshimeve pas rikonstruimit qeveritar dhe plotësimit të...

LIGJI I RI PËR MARRËDHËNIE PUNE: Trajtim të barabartë të punëtorëve

Qëllimi është të krijojmë një zgjidhje ligjore që do...

Xhaferi për vizitë në Komunën e Manastirit

Kryeministri Talat Xhaferi sot do ta vizitojë Komunën e...

Grubi: 3 milionë euro për ndërtimin e rrugës “Hasan Prishtina” në Vizbeg

Shkup, 6 prill- Qeveria tashmë i ka ndarë 3...

Po e tall që nga mbrëmë, Mozzik i përgjigjet Noizyt

Këngëtari i njohur Mozzik, i shoqëruar nga avokati i...

Artikuj të ngjashëm