Ali Ahmeti viziton shtëpinë-bazë të UÇK-së në Peshter të Brusit: Nderim për Nënë Stanen, Nënën e mbi 300 luftëtarëve

Lideri i Bashkimit Demokratik për Integrim, Ali Ahmeti, ka vizituar sot Peshterin e Brusit, në shtëpinë-bazë të luftës së armatosur çlirimtare të UÇK-së, duke bërë nderime në shtëpinë e Nënës së UÇK-së, Nënë Stane Pjetër Gashi.

Ahmeti u prit me ngrohtësi nga Nënë Stania, e cila në moshën 80-vjeçare vazhdon të mbetet simbol i sakrificës dhe përkushtimit gjatë luftës, së bashku me djemtë e saj, ish-ushtarët e UÇK-së Filip dhe Fatmir Gashi, si dhe vajzën File Gashi.

“Nëna Stane është lokemadhja e UÇK-së, nëna që gjatë luftës ka pritur dhe përcjellë mbi 300 luftëtarë, duke u dhënë bukë, duke u pastruar plagët dhe rrobat. Ajo qëndron e fortë edhe sot, si simbol i rezistencës dhe dashurisë për lirinë”, ka theksuar Ahmeti.

Gjatë vizitës, lideri i BDI-së i uroi Nënës Stane shëndet, jetë të gjatë e të lumtur, të rrethuar nga fëmijë, nipa dhe mbesa, duke vlerësuar rolin e saj historik në luftën çlirimtare.

Një moment i veçantë i vizitës ishte dhurata që Nënë Stania i bëri Ahmetit – librin “Nëna e mbi treqind luftëtarëve” të shkrimtarit Ibrahim Kadriu, të cilin ai e cilësoi si një nga dhuratat më të çmuara të jetës së tij.

Ahmeti e përshkroi vizitën si një emocion të jashtëzakonshëm, duke theksuar se ajo shtëpi historike ka qenë vend ku janë ushqyer dhe strehuar heronj e dëshmorë të kombit, ushtarë, komandantë dhe drejtues zonash e brigadash të Ushtrisë Çlirimtare të Kosovës. (INA)

Më të lexuara

Tragjedi në Kondovë, 38-vjeçari humb jetën nga rryma elektrike gjatë punës në ndërtim

Një ngjarje tragjike ka ndodhur sonte në Kondovë të...

Android alarmon për tërmet 6.5 ballë, Maqedonia në zonën e rrezikut – ja çfarë ndodhi

Një paralajmërim automatik për tërmet me magnitudë fillestare prej...

LAJMI FUNDIT! Jakup Krasniqi niset nga Haga drejt Kosovës

Ish-kryetari i Kuvendit të Kosovës, Jakup Krasniqi, është nisur...

Pritet vala e shkarkimeve të drejtorëve?!

Vala e ndryshimeve pas rikonstruimit qeveritar dhe plotësimit të...

Vritet 27-vjeçari nga Radusha në Berlin, dy autorë ende në arrati, ja detajet e para

Në orët e para të mëngjesit të së hënës,...

Nafta dhe benzina në pritje të çmimeve të reja

Komisioni Rregullator për Energjetikë (KRRE) sot, më 13 tetor,...

Artikuj të ngjashëm